थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०२ सावन २६४८, बुध ]
[ वि.सं २ श्रावण २०८१, बुधबार ]
[ 17 Jul 2024, Wednesday ]

प्रचण्ड प्रधानमन्त्रीमे नियुक्त

पहुरा | १० पुष २०७९, आईतवार
प्रचण्ड प्रधानमन्त्रीमे नियुक्त

काठमाडौं, १० पुस । नेकपा माओवादी केन्द्रके अध्यक्ष प्रचण्ड प्रधानमन्त्रीमे नियुक्त हुइल बटै । राष्ट्रपति विद्यादेवी भण्डारी प्रचण्डहे संविधानके धारा ७६ के उपधारा २ बमोजिम प्रधानमन्त्रीमे नियुक्त करल हुइट ।

आजु राष्ट्रपति भवन शीतल निवासमे पुगके ७ दलके हस्ताक्षरसहित राष्ट्रपति कार्यालयमे प्रचण्डहे प्रधानमन्त्री बनैना निवेदन दर्ता हुइल रहे ।

‘उपरोक्त सम्बन्धमे सम्माननीय राष्ट्रपतिसे २०७९ पुस ३ गते नेपालके संविधानके धारा ७६ के उपधारा (२) बमोजिम दुई वा दुईसे ढेर दलके समर्थनमे सरकार गठन करेक लाग दाबी पेस कैना आह्वान हुइलमे उहे समय सीमाभिटरे प्रतिनिधिसभा सदस्य तथा नेकपा (माओवादी केन्द्र) के संसदीय दलके नेता पुष्पकमल दाहाल प्रचण्डहे प्रधानमन्त्री पदमे हमार समर्थन रहल ब्यहोरा अनुरोध करटी । हम्रे हस्ताक्षरकर्ता दलहुक्रे प्रतिनिधित्व कैना प्रतिनिधिसभा सदस्य सख्या कुल प्रतिनिधि सभा सदस्य सख्याके बहुमत रहल ओरसे उहाँहे संविधानके धारा ७६ के उपधारा (२)० बमोजिम प्रधानमन्त्री पदमे नियुक्ति करडेना अनुरोध बा’, निवेदनमे कहल बा ।

निवेदनमे एमाले अध्यक्ष केपी ओली, माओवादी केन्द्रके अध्यक्ष प्रचण्ड, राष्ट्रिय स्वतन्त्र पार्टीके सभापति रवि लामिछाने, राप्रपाके अध्यक्ष राजेन्द्र लिङ्देन, जसपा अध्यक्ष उपेन्द्र यादव, जनमत पार्टीके अध्यक्ष सीके राउत ओ नागरिक उन्मुक्ति पार्टीके अध्यक्ष रन्जिता श्रेष्ठके हस्ताक्षर रहल रहे । संसदमे एमालेके ७८, माओवादीके ३२, रास्वपाके २०, राप्रपाके १४, जनमतके ६, नागरिक उन्मुक्ति पार्टीके ४ ओ जसपाके १२ सांसद रहल बटै । ओस्टेक प्रभु शाह, अमरेश कुमार सिंह ओ किरणकुमार साह शीतलनिवासमे पुगके प्रचण्डहे प्रधानमन्त्री बनैना समर्थन जनैले बटै ।

जनाअवजको टिप्पणीहरू