थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २४ माघ २६४६, मंगर ]
[ वि.सं २४ माघ २०७९, मंगलवार ]
[ 07 Feb 2023, Tuesday ]

महिला अधिकार ओ महिला अधिकार सम्बन्धी तालिम सुरु

पहुरा | १२ पुष २०७९, मंगलवार
महिला अधिकार ओ महिला अधिकार सम्बन्धी तालिम सुरु

पहुरा समाचारदाता
हसुलिया, १२ पुस ।
कैलारी गाउँपालिकाके हसुलियामे सोम्मारसे महिला अधिकार ओ महिला अधिकार सम्बन्धी दुई दिने तालिम सुरु हुइल बा ।

स्थानीय प्रयासमा खाद्य सुरक्षा रुपान्तरण (लिफट) परियोजना अन्र्तगत कैलारी गाउँपालिका ओ सहास नेपालके सयुक्त आयोजनामे क्षमता अभिबृद्धि ओ नेतृत्व विकासके दुई दिने तालिमके आयोजना हुइल हो ।

कैलारी गाउँपालिकाके उपाध्यक्ष भवगतीकुमारी चौधरी ज्यूके संयोजकत्वमे हुइल उदघाटन कार्यक्रममे उहाँ महिलाहुक्रे अभिनसम निर्धक्कके साथ बाहेर आई नइसेक्ना अवस्था रहल बटैली । महिलाहुकनहे कतिपय महिला अधिकार, कानूनबारे पत्ता नइहुइल कारण पीडा सहिके बैठे परल अवस्था रहल गाउँपालिका उपाध्यक्ष बटैली ।

स्थानीय तहमे निर्वाचित जनप्रतिनिधि मन्से महिलाहुकनके विशेष करके राष्ट्रिय मानवअधिकार कानुन सम्बन्धी छलफल कैना, महिलाहुकनके क्षमता अभिवृद्धि करटी उहाँहुकनके नेतृत्व विकास करेक लाग तालिमके आयोजना हुइल स्थानीय प्रयासमा खाद्य सुरक्षा रुपान्तरण (लिफट) परियोजनाके अधिकृत सरिता चौधरी बटैली । कृषि क्षेत्रमे रहल व्यक्तिहुकन सपोर्ट कैना, साना किसानहुकनके समुह संजाल, स्थानीय सरकारहे सपोर्ट कैनाफे तालिमके उद्देश्य रहल उहाँ बटैली ।

मंगरसम चल्ना तालिममे अधिवक्ता झंकर रावल, परियोजना अधिकृत सरिता चौधरी सहजीकरण करटी रहल बटै । तालिममे कैलारी गाउँपालिकाके नौ वडाके महिला जनप्रतिनिधिहुकनके सहभागिता रहल बा ।

जनाअवजको टिप्पणीहरू