थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०५ असार २६४८, मंगर ]
[ वि.सं ५ असार २०८१, मंगलवार ]
[ 18 Jun 2024, Tuesday ]

नक्कली नोट, बाघके हडडी ओ जडिबुटी सहित ५ जाने पक्राउ

पहुरा | १२ पुष २०७९, मंगलवार
नक्कली नोट, बाघके हडडी ओ जडिबुटी सहित ५ जाने पक्राउ

पहुरा समाचारदाता
धनगढी,१२ पुस
। कैलालीमे नक्कली नोट, बाघके हडडी ओ जडिबुटी सहित ५ जाने पक्राउ परल बटै ।

पुस ९ गते दुपहर धनगढी उप–महानगरपालिका वडा नं. ४ बसपार्क स्थित साल्ट ट्रेडिङ कर्परेसन आघे नक्कली मुद्राके कारोबार हुइटी रहल कना गोप्य सूचनाके आधारमे तत्काल उ ठाउँमे जिल्ला प्रहरी कार्यालयसे खटल प्रहरी टोली कैलाली चुरे गाउँपालिका वडा नं. ६ बैठना बर्ष ५५ के लालबहादुर साउँदके खानतलासी कैना क्रममे हुकान ठेनसे नक्कली नेपाली दरके नोट थान ४ फेला पारल रहे ।

उहाँहे जिल्ला प्रहरी कार्यालयमे नानके थप सोधपुछ कैना क्रममे उ नक्कली नोटके सम्बन्धमे एक व्यक्ती केल संलग्न नइहुके ओइनके संजाल रहल खुलल रहे । और व्यक्तीहुकनके खोज तलास कैना क्रममे जिल्ला कैलाली धनगढी उप–महानगरपालिका वडा नम्बर १३ राजपुर स्थित एस एस होटलमे कोठा करके बैठल जिल्ला दार्चुला लेकम गाउँपालिका वडा नं. ६ बैठना बर्ष ३३ के लिलाधार मिश्र, जिल्ला डोटी शिखर नगरपालिका वडा नं. १० बैठना बर्ष ३० के करन सिंह धामी ओ जिल्ला डोटी बडिकेदार गाउँपालिका वडा नम्बर १ बैठना बर्ष ५० के मोहन सिंह बोहरा समेतहे नियन्त्रणमे लेके अनुसन्धान करटी जाईबेर जिल्ला कैलाली धनगढी उप–महानरपालिका वडा नं. १३ स्थित कोठा भाडामे लेके बैठना जिल्ला डोटी शिखर नगरपालिका वडा नं. १० बैठना बर्ष ३० के करन सिंह धामी बैठना करल डेरा कोठाके खानतलासी करेबेर उ कोठामे बैठना बर्ष १९ के टेकेन्द्र धामीहे समेट फेला पारके उ कोठाके पलङ खटियाके सिरानी टरे नुकाके धारल अवस्थामे नेपाली दर रु. १,०००।– दरके नोट थान १३८ (एक लाख अठतिस हजार) करके जम्मा एक लाख बयालिस हजार फेला परल जिल्ला प्रहरी कार्यालय कैलालीके प्रवक्ता वेद प्रकाश जोशी बटैलै ।

खानतलासीके क्रममे उहे खटियाके प्लाई टरे रहल बाक्सा भिटर जेब्रा झोलामे जनावर(बाघके) जैसिन विल्गैना अस्थीपंजर हडडी ५ किलो ५३० ग्राम, बैंक तथा आई एम ई भौचर तथा चेक, प्लाष्टिक भिटर नुकाके धारल अवस्थामे जडिबुढी बनस्पतीके बोक्ला, मसी ओ लोहके टुक्रा समेत फेलापारके बरामद करके लाल बहादुर साउँद, लिलाधार मिश्र, करन सिंह धामी, मोहन सिंह बोहरा ओ टेकेन्द्र धामीहे पक्राउ करके नियन्त्रणमे लेके थप अनुसन्धान हुइटी रहल प्रहरी जनैले बा ।

जनाअवजको टिप्पणीहरू