थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २४ माघ २६४६, मंगर ]
[ वि.सं २४ माघ २०७९, मंगलवार ]
[ 07 Feb 2023, Tuesday ]

कैलारीमे निर्माणाधिन १५ शैया अस्पतालके अनुगमन

पहुरा | १२ पुष २०७९, मंगलवार
कैलारीमे निर्माणाधिन १५ शैया अस्पतालके अनुगमन

पहुरा समाचारदाता
हसुलिया, १२ पुस ।
कैलाली जिल्लाके कैलारी गाउँपालिका–५ मे बन्टी रहल १५ शैया अस्पतालके आज अनुगमन कैगिल बा ।

अस्पतालके निर्माण कार्यके अवस्था बुझना गाउँपालिका अध्यक्ष राजसमझ चौधरी उ अस्पतालके अनुगमन करल गाउँपालिकाके प्रवक्ता तथा वडा नम्बर ७ के अध्यक्ष दिपेन्द्रबहादुर बम हुइट । अस्पतालके अनुगमन करटी गाउँपालिका अध्यक्ष राजसमझ चौधरी सम्झौता अनुसारके समयमे निर्माण कार्य सेक्ना निर्देशन डेहल रहिट ।

गाउँपालिकाके प्रवक्ता बम कहलै, अस्पतालके निर्माण अवस्था बुझेक लाग अनुगमन करल हो । निर्माण कार्य तिब्र गतिमे बह्रटी बा ।’

कैलारी गाउँपालिकामे निर्माण हुइटी रहल १५ शैयाके अस्पतालके लाग १८ करोड ५२ लाख ६३ हजार ८६९ रुप्यामे निर्माण कैना रोयल कन्स्ट्रक्सनसे सम्झौता हुइल कैलारी गाउँपालिकाके इन्जिनियर भरत चन्द बटैलै ।

२ बर्ष निर्माण अवधि रहल अस्पतालके काम तिव्र गतिमे आघे बह्रटी रहल बा । अस्पतालके निर्माण कार्य यिहे अगहन १९ गतेसे सुरु हुइल रहे कलेसे २०८१ असार मसान्तसम सम्पन्न कैसेक्ना सम्झौता हुइल बा ।

जनाअवजको टिप्पणीहरू