थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २४ माघ २६४६, मंगर ]
[ वि.सं २४ माघ २०७९, मंगलवार ]
[ 07 Feb 2023, Tuesday ]

उद्यमशीलता विकास तालिम सुरु

पहुरा | १३ पुष २०७९, बुधबार
उद्यमशीलता विकास तालिम सुरु

पहुरा समाचारदाता
हसुलिया,१३ पुस ।
कैलालीके कैलारी गाउँपालिका वडा नम्बर ५ मे उद्यमशीलता विकास मंगरसे तालिम सुरु हुइल बा ।

गरिबी निवारणका लागि लघु उद्यम विकास कार्यक्रम मेड्पा अन्तर्गत ८ दिने उद्यमशीलता विकास तालिमके उदघाटन कैलारी गाउँपालिकाके उपाध्यक्ष भगवतीकुमारी चौधरीके वडका पहुनामे हुइल रहे ।

उदघाटन कार्यक्रममे बोल्टी स्थानीयस्तरमे रोजगारी सृजना करेक लाग लघु उद्यम विकास तालिम आवश्यक रहल बटैली । उहाँ कहली, गाउँघरमे किसानहुकनके घरमे उत्पादन हुइल ढेर चिज खेर जाइठ । तालिम पैलेसे खेरा चिजहे प्रयोगमे नानके आम्दानीके स्रोत बनाई सेक्जाई ।

उदघाटन कार्यक्रम वडा नम्बर ५ के अधक्ष्य विष्णु प्रसाद चौधरीके अध्यक्षतामे हुइल रहे । कार्यक्रममे सामाजिक विकास अधिकृत यगम कलेल, लगायत पालिकाके लघु उद्यम शाखाके कर्मचारीहुकनके सहभागिता रहे । तालिम कैलारी गाउँपालिकाके आयोजनामे हुइटी रहल बा ।

जनाअवजको टिप्पणीहरू