थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०२ सावन २६४८, बुध ]
[ वि.सं २ श्रावण २०८१, बुधबार ]
[ 17 Jul 2024, Wednesday ]

ब्राजिलके विश्वविख्यात खेलाडी पेलेके निधन

पहुरा | १५ पुष २०७९, शुक्रबार
ब्राजिलके विश्वविख्यात खेलाडी पेलेके निधन

काठमाडौं, १५ पुस । ब्राजिलके विश्वविख्यात खेलाडी पेलेके ८२ वर्षके उमेरमे निधन हुइल बा । क्यान्सरसे पीडित पेलेके बिफेक रोज अस्पतालमे निधन हुइल हो । अल्बर्ट आइन्स्टाइन अस्पताल उहाँक सक्कु अंग काम करे नैसेकल जनाइल अन्तर्राष्ट्रिय मिडिया उल्लेख करले बा । उहाँ ब्राजिलहे तीनचो विश्वकप जिटैले रहैं ।

चारचो विश्वकप खेलल उहाँ ६ दशकसे ढेर फुटबल खेलाडीके रुपमे बिटैलैं । उहाँ अपन २१ वर्ष लम्मा खेल जीवनमे विश्व कीर्तिमान १ हजार २ सय ८१ गोल करलैं । ब्राजिलके लाग ९२ खेल खेल्टि उहाँ ७७ गोल करले रहैं ।

उहाँ तीनचो विश्वकप जिटुइया एक्लो खेलाडी हुइट् । पेले सन् १९५८, १९६२ ओ १९७० मे विश्वकप जिटल रहैं । सन् २००० मे फिफा उहाँहे दशकके खेलाडी घोषणा करले रहे ।

पेले कुछ समयसे किड्नी ओ प्रोस्टेटके समस्यासे गुज्रटि रहैं । सन् २०२१ के सेप्टेम्बरमे शल्यक्रियासे क्यान्सरके ट्युमर हटाइल रहे । सन् २०२२ के नोभेम्बरयहोर उहाँहे अस्पतालमे भर्ना करल रहे ।

उहाँक छोइ केली अपन बाबाक स्वास्थ स्थितिबारे सामाजिक सञ्जालसे जानकारी डेटिरहि ।

उहाँ अपनहे फुटबलके लाग जन्मल बटाइट । उहाँक निधनमे संसारभरके फुटबलफ्रेमीहुक्रे शोक व्यत्त करले बटैं ।

जनाअवजको टिप्पणीहरू