थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०५ असार २६४८, मंगर ]
[ वि.सं ५ असार २०८१, मंगलवार ]
[ 18 Jun 2024, Tuesday ]

कैलारीसे जेष्ठ नागरिकहे सम्मानके लाग गरम कपरा वितरण

पहुरा | १५ पुष २०७९, शुक्रबार
कैलारीसे जेष्ठ नागरिकहे सम्मानके लाग गरम कपरा वितरण

पहुरा समाचादाता
हसुलिया, १५ पुस ।
कैलालीके कैलारी गाउँपालिकासे जेष्ठ नागरिक, एकल महिला, अपाङता रहल व्यक्तिहुकन सम्मान स्वरुप गरम कपरा वितरण करले बा ।

आर्थिक बर्ष २०७९÷०८० के लक्षित वर्ग कार्यक्रम अन्र्तगत गाउँपालिकासे सक्कु वडा कार्यालय मार्फत जेष्ठ नागरिक, एकल महिला, अपाङता रहल व्यक्तिहुकन सम्मान स्वरुप गरम कपरा वितरण करटी रहल हो ।

शुकके रोज गाउँपालिका राजसमझ चौधरीके वडका पहुनामे वडा नम्बर ४ मे गरम कपरा वितरण कैगिल बा । कार्यक्रममे उहाँ जेष्ठ नागरिकहुकन सम्मानके लाग जार महिनामे घल्ना गरम कपरा वितरण करल बटैलै ।

उहाँ कहलै, अब्बे जार महिना बा । बुह्राइल मनैनहे जारसे बच्ना जरुरी बा । जारसे बाँचेक हुइलेसेफे उहाँहुकनके गरम कपरा वितरण करल हो । वडा नम्बर ४ मे जेष्ठ नागरिक दलित ४४ जाने, एकल महिला १०३, जेष्ठ नागरिक ३३१ जाने अपाङता रहल १९ जनहनके गरम कपरा वितरण करल वडा नम्बर ४ के अध्यक्ष ठागुराम चौधरी बटैलै । ओइनहे वडा नम्बर ४ के कार्यालयसे सल, धोती ओ स्वीटर वितरण करल बटैलै ।

कार्यक्रममे वडा सदस्य मोहनलाल चौधरी, लालबहादुर विक, भल्मन्सा तिर्थप्रसाद नेपाल लगायत मन्तव्य व्यक्त करले रहिट । कार्यक्रमके संचालन वडा सचिव श्रीप्रसाद चौधरी करले रहिट । कार्यक्रममे वडा सदस्य कर्मचारीहुकनके सहभागिता रहे ।

ओस्टेक विफेक रोज गाउँपालिका उपाध्यक्ष भगवतीकुमारी चौधरीके वडका पहुनामे वडा नम्बर ५ मे २५० जाने जेष्ठ नागरिक, एकल महिला, अपाङता रहल व्यक्तिहुकन सम्मान स्वरुप जुरार महिनामे पानी तातुल कैना जार वितरण करल वडा अध्यक्ष विष्णुप्रसाद चौधरी बटैलै । वडा कार्यालयसे ४५० जेष्ठ नागरिक, एकल महिला, अपाङता रहल व्यक्तिहुकन सम्मान स्वरुप जुरार महिनामे पानी तातुल जार वितरण कैना कार्यक्रम रहल बटैलै । कार्यक्रममे वडा सदस्यहुक्रे, वडा सचिव सोनुराम चौधरी लगायतके उपस्थिति रहे ।

ओस्टेक करके कैलारी गाउँपालिका वडा ३ के कार्यालयसेफे विफेक रोज १६३ जाने जेष्ठ नागरिक, एकल महिला, अपाङता रहल व्यक्तिहुकन सम्मान स्वरुप गरम कपडा वितरण करल वडा अध्यक्ष सन्तराम चौधरी बटैलै ।

जनाअवजको टिप्पणीहरू