कैलारी–७ मे लागु हुइल आयोजनाके अनुगमन

पहुरा समाचारदाता
हसुलिया, २१ पुस । कैलालीके कैलारी गाउँपालिका–७ मे सहयोग कैगिल टमान आयोजनाके अनुगमन हुइल बा ।

कैलारी गाउँपालिका ओ एफएओ नेपालके समन्वयमे कैलारी– ७ मे बोरिङ, गोहुँ, मसरीक ओ टिनाके विया सहयोग कैगिल रहे । अनुगमनके क्रममे वडा नम्बर ७ मे बनल कृषि मोटर विद्युतिय प्रविधिसे संचालित सेलो ट्युबल (बोरिङ)के उदघाटन गाउँपालिका अध्यक्ष राजसमझ चौधरी स्विच अन करके विधिवत रुपसे उदघाटन करल रहिट । कलेसे सपोट कैगिल गोहुँ खेती, मसरी खेती ओ टिना खेतीके अनुगमनफे हुइल रहे ।

वडा नम्बर ७ के कृषकहुकनहे २५ ठो सेलो बोरिङ,२० हजार ४८० किलो गोहुँक विया, ३४० किलो मसरी, ७०० कृषकहुकनहे १० जातके टिनाके विया कुवाँर महिनामे वितरण करल कृषि शाखाके प्रमुख मैया चौधरी बटैली । उहाँ कहली, यहाँके कृषकहुकनहे कुवाँर महिना ओर बोरिङ, गोहुँ, मसरीक ओ टिनाके विया सहयोग कैगिल रहे । सपोट कैगिल चिजके अवस्था बुझेक लाग अनुगमन हुइल हो ।

ओस्टेक करके गाउँपालिका अध्यक्ष राजसमझ चौधरी, प्रवक्ता तथा वडा नम्बर ७ के अध्यक्ष दिपेन्द्रबहादुर बम, कृषि शाखाके प्रमुख मैया चौधरी, एफएओ महेन्द्र यादव, बुद्धिराम चौधरी लगायतके सहभागिता रहे