विमान दुर्घटनामे ज्यान गुमुइयाके सम्झनामे दीप प्रज्वलन
पहुरा |
३ माघ २०७९, मंगलवार
पहुरा समाचारदाता
धनगढी,३ माघ । अँटवारके रोज पोखरामे हुइल विमान दुर्घटनामे ज्यान गुमुइयाके सम्झनामे मंगरके रोज धनगढीके चौराहामे दीप प्रज्वलन करल बा ।
दुर्घटनामे ज्यान गुमाइल ७२ जानेक आत्माके चिरशान्ति कामना करटी दिप प्रज्वलन करल हो । नेपाल बजार बिक्रि प्रतिनिधि संघ धनगढी शाखाके आयोजनामे दीप प्रज्वलन करल बा । संघके अध्यक्ष गणेश श्रेष्ठ लगायत संघके पदाधिकारी ओ स्थानीयके समेत सहभागीतामे दिप प्रज्ज्वलन करल बा ।
दिप प्रज्ज्वलन पाछे दिवंगत आत्माके चिरशान्तिके कामना करटी एक मिनेट मौनधारण समेत करल बा । अँटवार पोखरामे हुइल यती एयरलाइन्सके विमान दुर्घटनामे ७२ जानेक मृत्यु हुइल बा । ७२ जाने मन्से २ जानेक शव अभिन प्राप्त हुइल नइहो ।