थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २४ माघ २६४६, मंगर ]
[ वि.सं २४ माघ २०७९, मंगलवार ]
[ 07 Feb 2023, Tuesday ]

सुदूरपश्चिम सरकारके प्रवक्ताके जिम्मेवारी भट्टहे

पहुरा | ५ माघ २०७९, बिहीबार
सुदूरपश्चिम सरकारके प्रवक्ताके जिम्मेवारी भट्टहे

पहुरा समाचारदाता
धनगढी, ५ माघ ।
सुदूरपश्चिम प्रदेश सरकारके मन्त्रीपरिषद् बैठकसे प्रदेश सरकारके प्रवक्ताके जिम्मेवारी मन्त्री खगराज भट्टहे डेहल बा ।

तत्काल कौनो मन्त्रालयके जिम्मेवारी नैतोकल भट्टहे मुख्यमन्त्री राजेन्द्र रावल हालके लाग प्रवक्ताके जिम्मेवारी डेहल हुइट । प्रवक्ताके जिम्मेवारी पाइल लगत्ते भट्ट बुधके मन्त्रीपरिषद्के पहिल ओ डुसरा बैठकके निर्णय सार्वजनिक करल रहिट ।

उहाँसे सार्वजनिक करल पहिल निर्णयमे प्रदेशके प्रवक्ता माननीय मन्त्री खगराज भट्टहे जिम्मेवारी तोकजैना, प्रदेश सरकार शासकीय सुधार कार्ययोजना २०७९ तर्जुमा कैना । उक्त कार्ययोजना प्रमुख सचिवके संयोजकत्वमे सक्कु मन्त्रालयके सचिव सदस्य रहना कार्यदल गठन कैना कार्यादेश डेना, स्थानीय तहके सेवा गठन, सञ्चालन ओ सेवाशर्त निर्धारण कैना कानून तर्जुमाके लाग सैद्धान्तिक सहमति प्रदान कैना रहल बा ।

ओस्टके प्रदेशमे सुशासन प्रवर्द्धन कैना प्रदेश सदाचार नीति एवं मापदण्ड तर्जुमा कैना मुख्यमन्त्री तथा मन्त्री परिषद्के कार्यालयके सचिव (कानून) संयोजकत्वमे कार्यदल गठन कैके ३० दिन भिट्रे प्रतिवेदन पेस कैना निर्देशन डेना, प्रदेशसे प्रवाह हुइटी रहल सेवाहे जनमुखी, झन्झटरहित ओ गुणस्तरीय बनाइक लाग तत्काल करे पर्र्ना सुधारके उपाय पहिचान कैके कार्यान्वयन कैना सक्कु मन्त्रालय निकायहे निर्देशन डेना, प्रदेश सरकारके ओरसे आम नागरिकहे प्रदान करे सेकजैना विद्युत् महसुल छुट लगायतके सुविधा प्रदान कैना सम्बन्धमे अध्ययन कैके मन्त्रीपरिषदमे प्रस्ताव पेस करक लाग भौतिक पुर्वाधार विकास ओ आर्थिक मामिला मन्त्रालयहे निर्देशन डेना रहल बा ।

डुसरा बैठकके निर्णयमे प्रदेश सरकारसे संघीय सरकारसँग करे पर्ना समपूरक ओ विशेष अनुदान बारे हुइल तयारीके जानकारी ओ सिफारिस कैना, एीन्क्ए तर्फ प्रादेशिक कार्यक्रम कार्यान्वयन इकाईके चालू आर्थिक बर्ष ०७९/८०के नवप्रवर्तन साझेदारी कोष अन्तर्गत सूचीमे संलग्न टमान आयोजना कार्यान्वयनके लाग नवप्रवर्तन साझेदारी कोषसे व्यहोरना रकम नेपाल सरकारके कोष प्रवाह सम्बन्धी व्यवस्था अनुसार सशर्त अनुदानके रूपमे सम्बन्धित स्थानीय तहमे हस्तान्तरण कैना, राष्ट्रिय गौरवके परियोजनाके रूपमे रहल पश्चिम सेती परियोजनाके कार्यान्वयनमे प्रतिकुल हुइना मेरके व्यक्त हुइल कतिपय बिचार, अभिव्यक्ति ओ गतिविधि प्रति प्रदेश सरकारके गम्भीर ध्यानाकर्षण हुइल कहटी उहे सम्बन्धमे प्रेस विज्ञप्ति जारी कैके आम नागरिकहे जानकारी कैना निर्णय रहल बा ।

जनाअवजको टिप्पणीहरू