थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २४ माघ २६४६, मंगर ]
[ वि.सं २४ माघ २०७९, मंगलवार ]
[ 07 Feb 2023, Tuesday ]

गौरीगंगामे माघी मिलन कार्यक्रम

पहुरा | ८ माघ २०७९, आईतवार
गौरीगंगामे माघी मिलन कार्यक्रम

पहुरा समाचारदाता
मसुरिया, ८ माघ ।
कैलालीके गौरीगंगा नगरपालिका–१ मे शनिच्चरके रोज माघ मिलन कार्यक्रम सम्पन्न हुइल बा ।

वडा नम्बर १ के वडा कार्यालयके आर्थिक सहयोगमे माघी मिलन संचालन समितिके आयोजनामे हुइल कार्यक्रमके वडका पहुना नगर उपप्रमुख भोजबहादुर बम रहिट । कार्यक्रममे बोल्टी उहाँ थारु समुदायके संस्कृतिहे संरक्षण कैना पुर्ण सहयोग रहन बटैलै । समाजहे आघे बह्रैना महिलाहुकनके विशेष सहयोग रहल बटैलै ।

कार्यक्रममे वडा अध्यक्ष डवल डियाकोटी, पूर्व वडा अध्यक्ष जगतराम चौधरी, कार्यपालिका सदस्य मदन नेपाली, पशुपति माध्यमिक विद्यालयके अध्यक्ष अमर छन्टेल लगायतका शुभकामना मन्तव्य व्यक्त करल रहिट । माघी मिलन कार्यक्रममे गायक तुफान राजबंसी, गायिका सोमति चौधरी, सुनिता चौधरी ओ मोडेल सुनिता दहितके विशेष प्रस्तुति रहे ।

कार्यक्रममे सखिया नाच, झुम्रा नाच,धमार ओ थारु खानपानके व्यवस्था रहे । वडा नम्बर १ के वडा कार्यालयके ५० हजार सहयोगमे हुइल माघी मिलन कार्यक्रम संचालन समितिके संयोजक नवीन चौधरीके अध्यक्षतामे हुइल रहे ।

जनाअवजको टिप्पणीहरू