थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २४ माघ २६४६, मंगर ]
[ वि.सं २४ माघ २०७९, मंगलवार ]
[ 07 Feb 2023, Tuesday ]

कैलारीमे नमूना यूवा संसद अभ्यास

पहुरा | ९ माघ २०७९, सोमबार
कैलारीमे नमूना यूवा संसद अभ्यास

पहुरा समाचारदाता
हसुलिया, ९ माघ ।
कैलालीके कैलारी गाउँपालिकामे नमूना यूवा संसद अभ्यास कार्यक्रम सुरु हुइल बा ।

यूवा संसद अभ्यासमे १६ से २४ बरस उमेर समुहके गाउँपालिका अन्र्तगत ९ वडाके ३÷३ जाने यूवाहुकन समेतके तीन दिनसम सैद्धान्तिक रुपमे अभ्यास सुरु करल ओ एक दिन (माघ १२ गते) व्यावहारिक रुपमे संसदीय प्रक्रियाके अभ्यास करैना गाउँपालिकाके अध्यक्ष राजसमझ चौधरी बटैलै । सोम्मारके रोज कार्यक्रमके उदघाटन करटी उहाँ यूवाहुकनहे राष्ट्र निर्माणमे उत्तरदायी बनाइक लाग गाउँपालिकासे नमूना यूवा संसद अभ्यास कार्यक्रम सुरु उहाँ बटैलै ।

आजके यूवा अइना दिनके जनप्रतिनिधि, संसद हुइट,’ गाउँपालिका अध्यक्ष राजसमझ कहलै, ‘अब्बे सिखही कलेसे काल्हके दिनमे ओइन जनप्रतिनिधि, संसद बन्के अइबेर काम कैना सहजुल हुइहीन ।’

गाउँपालिका उपाध्यक्ष भगवतीकुमारी चौधरी यूवा संसद अभ्याससे यूवाहुकनके गाउँसभा संचालन प्रक्रियासे लेके प्रदेश ओ संघके संसदीय अभ्यासबारे ज्ञान हुइना बटैली । अब्बे सिखलेसे यूवाहुकनहे भविष्यमे काम लग्ना कहटी उहाँ शुभकामना डेहल रहिट ।

प्रमुख प्रशाकीय अधिकृत विरबहादुर ऐर यूवा संसद अभ्याससे यूवाहुकनके नेतृत्व विकास ओ क्षमता विकास हुइनाके साथे काल्हके दिन सुशासनमे टेवा पुग्ना, यूवा तहसे सिखके गैलेसे उप्परके तहमे सहयोग पुग्ना उहाँ बटैलै ।
यूवा संसद अभ्याससे देशके नेतृत्व कैसिक कैना, शासन, विकास कैसिक कैना, कैसिक करके देशहे आघे बह्राई सेक्जाई कहटी ज्ञानसीपके विकासके लाग अभ्यास सुरुवाट करल उहाँ बटैलै ।

राष्ट्रिय यूवा परिषद सानो ठिमी भक्तपुरके आर्थिक सहयोगमे कैलालीके कैलारी गाउँपालिका शिक्षा यूवा खेलकुद शाखासे यूवा संसद अभ्यास कार्यक्रम आयोजना हुइल शाखा प्रमुख गणेश प्रसाद मिश्र बटैलै । परिषदसे स्थानीय तहमे कार्यान्वयन हुइना साढे ३ लाख ससर्त अनुदान ओ यूवा क्लव गठन करके नमूना यूवा संसद अभ्यास कार्यक्रम सुरु करल बा ।

यूवाहुकनके नेतृत्व क्षमता विकास, नेतृत्व विकास, सीप विकास, ओइनहे नेपालके शासन प्रणालीबारे सुसुचित कैना, विकास प्रक्रियाके बारेमे जानकारी करैना, यूवाहुकनहे राष्ट्रिय नीति, योजना निर्माण सम्बन्धी सुझाव डेना उद्देश्य यूवा संसद अभ्यास करल उहाँ बटैलै ।

चार दिनसम संचालन हुइना कार्यक्रममे तीन दिन सैद्धान्तिक रुपमे संसद अभ्यास कैना ओ एक दिन व्यावहारिक अभ्यास कैना उहाँ बटैलै । नेपालके संविधान, देशके शसकीय स्वरुप लगायतबारे सैद्धान्तिक विषयमे छलफल हुई कलेसे अन्तिम दिनमे ओइनके गाउँपालिका रहना अध्यक्ष, उपाध्यक्ष, वडा अध्यक्ष, कार्यपालिका सदस्यके जिम्मेवारी, भुमिका निर्वाहबारे कामके बाँडफाँड करही ।

गाउँपालिकामे आयोजना हुइल ओरसे अध्यक्ष, उपाध्यक्ष, वडा अध्यक्ष, कार्यपालिका सदस्यके भुमिका अनुसार जिम्मेवारी बाँडफाँड, भुमिका निर्वाह कैना डेखैना शाखा प्रमुख मिश्र बटैलै । कार्यक्रम संचालन सामाजिक विकास शाखा प्रमुख यगम कलेल करल रहिट । कलेसे यूवा संसद अभ्यासके लाग यूवा परिषदसे प्रशिक्षण देवराज अवस्थी डेटी रहल बटै ।

जनाअवजको टिप्पणीहरू