९१ जाने अपाङता व्यक्तिन सहायक सामग्री

पहुरा समाचारदाता
धनगढी,९ माघ । धनगढी उप–महानगरपालिकाके आयोजना ओ नेपाल राष्ट्रिय समाज कल्याण संघके प्राविधिक सहयोगमे अपाङता सहायक सामग्री वितरण कैगिल बा ।

धनगढी उप–महानगरपालिका परिसरमे अपाङता हुइल व्यक्तिहुकनके अपाङता सहायक सामग्री जाँच शिविरमे धनगढी उप–महानगरपालिकाके बाँकी रहल वडाके माघ ९ गते अन्तिम दिन ६९ जाने सेवा लेहल नगरप्रमुख गोपाल हमाल बटैलै । वडाके क्लस्टर चार स्थानमे संचालन शिविर संचालन करल रहे ।

वडा नं १८ नाम दर्ता हुइल ५५ (शिविरमे सामग्री वितरण २२ जाने, वडा नं १६ मे नाम दर्ता हुइल ७२ (शिविरमे सामग्री वितरण २४ जाने), वडा नं १२ मे नाम दर्ता हुइल ५२ (शिविरमे सामग्री वितरण १९ जाने ) ओ धनगढी उप–महानगरपालिका भवनमे नामदर्ता हुइल ६९ (शिविरमे सामग्री वितरण २६ जाने) करके जम्मा सेवा लेहुइयाके संख्या २४८ (शिविरमे सामग्री वितरण हुइल ९१ जाने) रहल उपमहानगरपालिका जनैले बा ।