होरी गितके सुटिङ निम्जल

पहुरा समाचारदाता
धनगढी, १२ फागुन । खेली होलि कना होरी गितके सुटिङ सम्पन्न हुइल बा ।

नरेश जोगीके शब्द संगीत नरेश जोगी ओ मनिषा पोख्रेलके अवाज रहल गितहे वरिष्ठ निर्देशक सुधराम दहित निर्देशन करले बटै । गीतके छयाङकन सतिश सिन्हा करले बटै कलेसे यी गितमे थारु मेघा स्टार संगत थारु ओ वरिष्ठ नायिका सोनु थारुके अभिनय रहल बा ।

थारु सलिमा जगतमे ‘ओल्ड इज गोल्ड’के रुपमे रहल संगत थारु ओ सोनु थारु १० बर्ष पाछे फेरसे म्यूजिक भिडियोमे डेखा परल बटै । यी भिडियो बहुत हाली सि.यस.फिल्म युटुब च्यानलसे अईना थारु लोक गायक तथा राष्ट्रिय थारु कलाकार मञ्चके कोषाध्यक्ष राजु चौधरी (राज) जानकारी करैलै ।