नायक स्वर्गीय पर्शुरामके शोकसभा

पहुरा समाचारदाता
धनगढी, ३० फागुन । थारु समुदायके नायक स्वर्गीय पर्शुराम चौधरीके १३ औं दिनके पुण्यतिथिके अवसरमे मंगरके रोज शोकसभा कार्यक्रम कैगिल बा ।

सुदूरपश्चिम प्रज्ञा प्रतिस्थानके कुलपति डा. टिएन जोशीके प्रमुख आतिथ्यमे हुइल कार्यक्रममे विशिष्ट पहुनामे थारु महानायक प्रेम चौधरी, प्रेम भण्डारी, थक्कर बम, मेघा स्टार संगत थारु, राजकुमार जोशी, निर्देशक चन्द्र चौधरी (चाँद) तेजा ऐर, राष्ट्रिय थारु कलाकार मंच प्रदेश ७ के कोषाध्यक्ष राजु चौधरी (राज), समु चौधरी, गोबिन्द मुखिया ओ उषा गोरी लगायत उपस्थितिमे शोकसभा कार्यक्रम कैगिल हो ।

कार्यक्रममे बोल्टी वडका पहुना डा. जोशी नायक स्वर्गीय पर्शुराम चौधरीसे थारु समुदायके सलिमामे डेहल योगदानके कदर करटी कलाकारहुकनके कल्याणके लाग पहल कैना बाचा करलै ।

राष्ट्रिय थारु कलाकार मञ्च प्रदेश ७ ओ सुप कला प्रतिस्थानके सयुक्त आयोजनामे हुइल शोकसभाके कार्यक्रम सुप कला प्रतिस्थानके अध्यक्ष अम्बिकाप्रसाद आचार्यके घरगोस्याईमे हुइल रहे । कार्यक्रमके संचालन गुनाकर पनेरु करल रहिट ।