थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०९ फागुन २६४७, बुध ]
[ वि.सं ९ फाल्गुन २०८०, बुधबार ]
[ 21 Feb 2024, Wednesday ]

कैलारी–४ मे हाजिरी जवाफ प्रतियोगिता

पहुरा | ३ चैत्र २०७९, शुक्रबार
कैलारी–४ मे हाजिरी जवाफ प्रतियोगिता

पहुरा समाचारदाता
हसुलिया, ३ चैत ।
कैलालीके कैलारी गाउँपालिका वडा नम्बर ४ मे वडा स्तरीय आधारभूत तहमे हाजिरी जवाफ प्रतियोगिता हुइल बा ।

कैलारी गाउँपालिका वडा नम्बर ४ के वडा कार्यालयके आयोजनामे हुइल प्रतियोगिता वडा अध्यक्ष ठागुराम चौधरीके अध्यक्षतामे हुइल रहे कलेसे कार्यक्रमके वडका पहुना कैलारी गाउँपालिकाके शिक्षा शाखा प्रमुख गणेशप्रसाद मिश्र रहल रहिट ।

प्रतियोगितामे सामुदायिक विद्यालय चार ठो संस्थागत विद्यालय दुई करके ६ विद्यालय भाग लेहल रहे । पहिल स्थान हसिल पूर्णिका बोडिङ स्कुल करले बा । दुसरा स्थान कालीमाई आधारभूत विद्यालय, ओ टिसरा स्थान जनकल्याण मावि हासिल करले बा ।

पहिल हुइलहे झोलाके भिटरहे काँपी डटपेन, ज्यामिति बक्स, ओस्टेक दुसरा ओ टिसराहे झोलासंग्गे पहिलेकसे थोरिक कम÷कम मूल्यके शैक्षिक सामाग्रीके व्यवस्था करल रहे । कलेसे सहभागी प्रतियोगितामे सहभागी ६ विद्यालयके ३० जाने विद्यार्थीनहे झोला डेहल बा ।

संचालन वडा सचिव श्री प्रसाद चौधरी ओ स्वागत मन्तव्य वडा सदस्य मोहनलाल चौधरी करल रहिट । कार्यक्रममे वडा सदस्य लक्ष्मी चौधरी, हरिदवरी चौधरी, शिक्षकहुकनकेफे सहभागिता रहे ।

जनाअवजको टिप्पणीहरू