बाज (चट्याङ) मारके घरमे क्षति

पहुरा समाचारदाता
धनगढी, ७ चैत । धनगढी उपमहानगरपालिका–५, तारानगर स्थित कुन्नानारायण चौधरीके २ तले पक्की घरमे बाज (चट्याङ)ं मारेबेर घरमे क्षति पुगल बा ।

बाज (चट्याङ)ं मारेबेर घरके दुसरा तलाके छतके छज्जामे (लम्बाई ४ फिट, चौडाई २ दशमलब ५) फिट फोङग परल बा । घरेम जडान हुइल ईन्भटर मिटर बक्स, २ ठो मेन स्वीच ओ २ ठो सव मिटर पुर्ण रुपमे क्षति हुइल चौधरी बटैलै । ओस्टेक करके गाडी पार्किङ कैना बनाइल ग्यारेज टिन, पार्किङ करके धारल बा ०१–०२६च ५१०८ नम्बरके कार ओ से ६ प ७४६६ नम्बरके स्कुटीमे समेत क्षति पुगल बा ।

बाज (चट्याङ)ं मारेबेर मानविय क्षती भर नइहुइहो । ‘आज विहान ७ बजे चिया खैटी रही, एक्कासी भारी आवाज आइल, बरण्डामे रहल मिटर झ्याम्म गैल, आगीक झिल्का आइल, बाहेरर आके हेरेबेर टे धेर क्षति हुइल बा, उहाँ कहलै ।