साढे चार लाख पारिश्रमिकसहित एसपीएके विद्यार्थीहे अमेरिकामे पेड इन्टर्नसिप
पहुरा समाचारदाता
धनगढी, ८ फागुन । अमेरिकाके मियामीस्थित पाँचतारे होटल फाउन्टेन ब्लु मियामी विचमे एसपीए कलेजके विद्यार्थी आमिन चौधरी पेड इन्टर्नसिपके अवसर पैले बाटै ।
कलेजके बीएचएम डुसरा ब्याचके विद्यार्थी आमिन वहाँँ पेड इन्टर्नसिप वापत मासिक ४ लाख ६२ हजार पारिश्रमिक पैना बाटै । उहाँ एक बरसके इन्टर्नसिप ओराइलपाछे होटलसे उहाँहे रोजगारीके रुपमे फेन निरन्तरता डेहे सेक्ना बाटै ।
अमेरिकामे पाइल अवसरसे आपन जीवनके टर्निङ प्वाइन्ट हुइल आमिन बटैलै । अवसर जुराडेहलमे कलेज परिवारप्रति उहाँ आभार व्यक्त करलै ।
‘अमेरिकामे पुग्ना जेकर फेन सपना रहठ् । मै वहाँ मजा अवसर पाइल महसुस करले बाटु,’ आमिन कहलै, ‘महिन कलेज हरेक स्टेपमे साथ डेके इ सम्भव हुइल हो । इ मोर जीवनके टर्निङ प्वाइन्ट हुइल बा । इ अवसरहे सदुपयोग कैना मै कौनो कसर बाँकी नैराखम ।’
दुई अँठ्वार आघे एसपीएके औरे विद्यार्थी सिर्जना खड्का फेन अमेरिकाके औरे पाँच तारे होटल हायातमे फेन २ लाख ढेर पारिश्रमिकसहित पेड इन्टर्नसिपके अवसर पाइल रही ।
ओस्टके इहे अँठ्वार बीएचएम डुसरा ब्याचके दीपेन्द्र भण्डारी, प्रदीप भट्ट ओ सत्यराज शर्मा थाइल्याण्डके क्यासिनो फुकेटमे पेड इन्टर्नसिपके अवसर पैले बाटै ।
इ बाहेक विद्यार्थीहुक्रे दुबई, बहिराईन, मलेसिया, माल्दिभ्स, भारत ओ नेपालके टमान फाइभस्टार होटेलमे इन्टर्नसिपके अवसर पासेकल बाटै ।
कम्तीमे पह्रटी पह्रटी विद्यार्थीहुक्रे आपन शैक्षिक शुल्क अपनहे तीरे सेक्ना बनैना ओ भविष्य सुनिश्चित कैडेना एसपीएके नीति अनुसार विद्यार्थीहे जब प्लेसमेन्टके व्यवस्था करल क्याम्पस प्रमुख योगराज उपाध्याय बटैलै ।
‘अमेरिका हर केक्रो सपनाके देश हो । कत्रा जाने ढेर प्रयासमे फेन सफलता पाइ नैसेक्ठै,’ उपाध्याय कहलै, ‘हम्रे एसपीएके विधार्थीहे ग्लोबल सिटिजन्सके रुपमे अध्ययन अध्यापन करैटी रहल बाटी । संस्कार ओ अनुशासनयुक्त सँगसँगे पसिना ओ कर्ममे विश्वास कैना बनाइल कारण उहाँहुक्रे विश्वके टमान कोनुवामे पुग्ना सफल हुइल बाटै । पहिल प्रयासमे अमेरिका जैसिन ड्रीमल्याण्डमे पुग्न सफल हमार विद्यार्थीहे बधाई ज्ञापन कैना चाहटु ।’
क्याम्पसके अन्तर्राष्ट्रिय सम्बन्ध ओ पहिचानके कारणसे फेन यहाँ अध्ययनरत् विद्यार्थीहे मजा अवसर पाइल क्याम्पसप्रमुख उपाध्याय बटैलै । एसपीए तीन महिनाआघे किल अमेरिकाके न्यूयोर्क शहरमे आयोजित ग्रीन कलेज अवार्ड समेत पाइल रहे । उ बाहेक कलेजके टमान देशके प्रशिद्ध विश्वविद्यालयसे भगिनी सम्बन्ध फेन स्थापना करले बा ।
यहोर एसपीएके बीआईएम अध्ययनरत विद्यार्थी सोनु भण्डारी ओ कमला जोशी ज्योति विकास बैकमे इन्टर्नसिपके अवसर पैले बाटै । ओस्टके एलिसा नौन्याल ओ नमिता जप्रेल इसेवा अन्तर्गतके सफ्टल्याब प्रा.लि काठमाडौंमे इन्टरसिपके अवसर पैले बाटै ।
एसपीएके बीएचएम कार्यक्रम निर्देशक डिल्लीराज भण्डारी इन्टर्नसिपके लाग छनौट हुइल विद्यार्थीहे बधाई डेटी अमेरिका जैसिन देशके पाँचतारे होटलमे काम कैना अवसर पैना बरवार उपलब्धिके साथसाथे भविष्य सुनिश्चित हुइल आधार रहल बटैलै ।
सक्कु जनहनके ड्रिमल्याण्डके रुपमे रहल अमेरिका ओ वहाँके फाइभस्टार होटेलमे पेड इन्टनसिपके अवसर पैना कहलक विधार्थीनके भविष्य सुनिश्चित हुइल ग्रिन सिंग्लन फेन हो,’ उहाँ कहलै, ‘पह्रल अनुसारके अभ्यास तथा सीप हासिल करक लाग इ होटल विश्वके उत्कृष्ट गन्तव्य हो । यहाँ पह्रल अनुसारके संस्थागत संरचना ओ व्यवसायिक संस्कार प्रत्यक्ष अनुभव करे पाजाइठ् । जहाँ उहाँहुक्रे विश्वके तौरतरिका अनुसार काम कैना, सिक्ना एक्सोजर पैठै । विधार्र्थीनके सिक्ना चाहनाहे कलेजसे भरपुर मिहिनेत कैके यथार्थमे बडलडेले बा । इहीसे हम्रे अत्यन्त खुशी बाटी ।’
