बेहडा बाबा दर्शनः दुई जानेक दसा बनल
पहुरा समाचारदाता
धनगढी, १६ जेठ । गंगा दशेहराके अवसरमे कैलालीके धनगढी उपमहानगरपालिका वडा नम्बर १६ बेहडा बाबा मन्दिरमे दर्शनके लाग गैल दुई जानेक दुई जानेक मृत्यु हुइल बा ।
बेडडा बाबा मन्दिर दर्शन करके लौटना क्रममे मंगरके दुपहर कैलालीके उपमहानगरपालिका १६ पथरी बनुवामे टेक्टरके ठक्कर डेहे एक जानेक मृत्यु हुइल बा ।
धनगढी १३ कैलाली गाँउ बैठना बर्ष ३५ के रामगुलाव रानासे चलाइल से १ त ५६९८ नं. के ट्याक्टरसे धनगढी उपमहानगरपालिका वडा नम्बर १ पशुपति टोल बैठना साईकलयात्री बर्ष ३६ के अमृत सेवाहे ठक्कर हुकन मुरी ओ डेहमे चोट लाग गम्भीर घाहिल हुइल रहिट ।
हुकार सेती प्रादेशिक अस्पताल धनगढीमे उपचारके क्रममे मृत्यु हुइल जिल्ला प्रहरी कार्यालय कैलालीके सहायक प्रवक्त खगेन्द्र साउ“द बटैलै । ट्याक्टर, ट्याक्टर चालकहे प्रहरीसे नियन्त्रण्मे लेहल उहाँ बटैलै ।
ओस्टेक करके बेहडाबाबा स्थित महाडेवा टल्वामे एक जानेक पौडी खेल्ना क्रममे डुबके मृत्यु हुइल बा ।
मंगर सकारे ५ बजे महादेवा टल्वामे २५ वर्षीय लोकेश भाटके शव फेला परल हो । डडेल्धुराके परशुराम नगरपालिका जोगबुडा घर रहल भाटके मृत्यु हुइल जिल्ला प्रहरी कार्यालय कैलालीके सहायक प्रवक्ता खगेन्द्र साउद बटैलै ।
