जनता नमूना आधारभूत विद्यालयहे लाइब्रेरी व्यवस्थपन ओ इसिए सामाग्री सहयोग

पहुरा समाचारदाता
हसुलिया, २२ जेठ । कैलालीके कैलारी गाउँपालिका वडा नम्बर ७ रामपुरमे रहल जनता नमूना आधारभूत विद्यालयके शैक्षिक गुणस्तर वृद्धिके लाग लाइबे्ररी व्यवस्थापन ओ इसिए सामाग्री सहयोग कैगिल बा ।

दलित महिला अधिकार मञ्चके आयोजनामे डिसिएके आर्थिक सहयोगमे आधार परियोजना मार्फत विद्यालयहे उ सामाग्री सहयोग कैगिलक हो । मञ्चके अध्यक्ष सावित्रा घिमिरे गाउँपालिका प्रवक्ता तथा वडा नम्बर ७ के वडा अध्यक्ष दिपेन्द्रबहादुर बम मार्फत विद्यालयहे उ सामाग्री हस्तान्तरण कैगिल बा ।

विद्यालयमे लाइबे्ररी व्यवस्थापनके लाग वर्णमाला पुस्तक, फर्निचरके सामाग्री, दराज, टेबुल, कुर्सी, भलिबल, फुटवल, वेडमिन्टन, क्यारमबोेडलगायत खेलकुदके सामाग्री हस्तान्तररण कैगिल बा । सामाग्री हस्तान्तरण कार्यक्रममे बोल्टी वडा अध्यक्ष बम विद्यालयहे कैगिल सहयोगसे शैक्षिक गुणस्तरमे टेवा पुग्ना विश्वास व्यक्त करलै । उहाँ दलित महिला अधिकार मञ्चहे सामाग्री सहयोगके लाग धन्यावाद डेटी अइना दिनमेफे समन्वय ओ सहकार्य करके आघे बह्रना बटैलै । कार्यक्रममे कार्यपालिका सदस्य सुन्दरी चौधरी, विद्यालयके शिक्षकहुकनकेफे सहभागिता रहे ।