सुरज परियारके यात्रा चन्द्रोदयमे विद्यार्थीसे अध्यक्षसम

पहुरा समाचारदाता
धनगढी, २३ जेठ । कैलाली जिल्लाके धनगढी उपमहानगरपालिका वडा नम्बर १८ नम्बरमे रहल चन्द्रोदय माविमे समाजसेवी सुुरज परियार विद्यालय व्यवस्थापन समितिके अध्यक्ष पदमे सर्वसहमतसे चयन हुइल बटै ।

जौन विद्यालयमे उहाँ कखरा सिख्टी जीवनमे पह्राईके सुरुवाट करल रहिट । उ विद्यालयमे कुछ समय अंगे्रजी विषयके शिक्षक, तीन कार्यकाल विद्यालय व्यवस्थापन समितिके सदस्य हुइटी आज अध्यक्ष बन्ना सफल हुइल हुइट । उहाँ प्रावि तहमे यिहे विद्यालयमे अध्ययन पुरा करटी निमावि तहके पह्राई पोखराके कास्की जिल्ला साविक वेगनाश ताल गाविसके आनन्द ज्योति माविमे करल रहिट । ओस्टेक फेरसे उहाँसे लौटके कक्षा आठसे एसएलसीसम यिहे चन्द्रोदय माविसे पुरा करल बटैलै ।

शैक्षिक योग्यताले अंग्रेजी विषयमे स्नातकोत्तर तह पुरा कैसेकल उहाँ विद्यालय व्यवस्थापन समितिके अध्यक्ष बनलपाछे विद्यालयमे शैक्षिकस्तर विकास ओ गुणस्तरीयामे सुधार डेना योजना रहल बटैले बटै । उहाँ कहलै, अब्बे सामुदायिक विद्यालयमे शैक्षिक गुणास्तर खस्कटी बा कना प्रश्न चिन्ह खडा हुइटी रहल ओ शिक्षक, अभिभावकहुकनसे समन्वय करके आघे बह्रजाई ।

ओस्टेक उ विद्यालय व्यवस्थापन समितिके सदस्यमे सदस्य देवकी सुनार, सम्झना चौधरी, वृहस्पति पौडैल, कल्पना देवकोटा, सुवास बस्नेत, सदस्य सचिवमे सुभचन्द्र सुवेदी, शिक्षक प्रतिनिधिमे केशवसिह भाट ओ भुवन रिजाल वडा अध्यक्ष पदेना सदस्य रहल बटै ।