गेटामे विश्वविद्यालय स्थापनाके माग करटी जुलुस प्रर्दशन

पहुरा समाचारदाता
धनगढी, २३ जेठ । गेटामे सहिद दशरथचन्द राष्ट्रिय स्वास्थ्य विज्ञान विश्वविद्यालय स्थापनाके माग करटी धनगढीमे विद्यार्थीसे जुलुस प्रदर्शन करले बटै ।

मंगरके रोज विश्वविद्यालय स्थापना कैना बाब डेना धनगढीके एसपिए कलेजके विद्यार्थी जुलुस निकारल हुइट । गेटामे विश्वविद्यालय स्थापनार्थ गठित संघर्ष समितिके आह्वानमे धनगढीके एसपिए कलेजसे निकारल जुलुस ट्राफिक चौराहामे पुगके कोणसभामे परिणत हुइल रहे । जुलुसमे धनगढीके और कलेजके विद्यार्थीहुकनके फे सहभागिता रहल रहे ।

कोणसभामे बोल्टी विद्यार्थीहुक्रे गेटामे विश्वविद्यालय स्थापना कैना सरकारहे आग्रह करले बटै । ओइने स्वास्थ्य शिक्षा ओ उपचारमे सुदूरपश्चिमवासीके पहुँच बढैना गेटामे विश्वविद्यालय स्थापना करे पर्ना बटैले बटै ।