२ सय बाढ पीडित परिवारहे राहत वितरण

पहुरा समाचारदाता
हसुलिया, २९ भदौ । कैलारी गाउँपालिकाके २ सय बाढ पीडितहुकनके राहत वितरण कैगिल बा ।

असल छिमेकी नेपालके सहयोगमे २ सय बाढ पीडितहे राहात वितरण कैगिल हो । कैलारी गाउँपालिका अध्यक्ष राजसमझ चौधरीके वडका पहुना ओ गाउँपालिका उपाध्यक्ष भगवतीकुमारी चौधरीके विशिष्ट पहुनामे राहात वितरण कैगिल हो ।

प्रति परिवारहे चाउर, दाल, नोन, तेल, सोयविन, चिउरा, ब्लेङकेट, पिफम, सेनेटरी प्याड, साबुन, कोलगेट, टुथपेस्टलगायुतके सामान वितरण कैगिल असल छिमेकी नेपालके निर्देशक राजेन्द्रकुमार अधिकारी बटैलै । राहत वितरण कार्यक्रममे वडा नम्बर ३ वडा अध्यक्ष विपद संयोजक सन्तराम चौधरी, वडा नम्बर ४ के वडा अध्यक्ष ठागुराम चौधरीलगायतके सहभागिता रहे ।