भाटभटेनीसे टिहुवारके अवसरमे १० से ४१ प्रतिशत डिस्काउण्ट
पहुरा समाचारदाता
धनगढी, २७ कुवाँर । भाटभटेनी स्टोरसे डसिया, डेवारी ओ छठ पर्वहे लक्षित करके डिस्काउण्ट अफर नन्ने बा ।
भाटभटेनी स्टोरके कौनोफे २६ ठो स्टोरसे समान खरिद करेबेर ग्राहकहुक्रे १० से ४१ प्रतिशतसम छुट पैना भाटभटेनी जनैले बा । ओस्टेक करके भाटभटेनीके सक्कु स्टोरसे २ हजार ५ सय रुप्याके खरिदमे एक कुपन प्राप्त करे सेक्ना ओ कार जित्न अवसर समेत प्राप्त करे सेक्जैना जनाइल बा ।
ओस्टेक करके, खाद्यान्न लगायत भाडाकुडामे विशेष सहुलियतके साथे लत्ताकपडामे ओ जुत्तामे फल्याट १० प्रतिशत छुटके व्यवस्था रहल भाटभटेनी स्टोर जानकारी डेले बा ।
ओस्टेक करके ब्राण्डेड समानके खरिदमे १५ प्रतिशत फल्याट छुटके साथे इलेक्ट्रोनिक समानमे होल डेलिभरी सहित ४० प्रतिशतसम छुटके व्यवस्था रहल भाटभटेनी जनैले बा ।
ओस्टेक हिमालयन, एनआइसी एसिया, एनआइएमबी ओ प्रभु बैंकके कार्ड अथवा स्क्यानसे ग्राहकसे पैसा तिरेबेर थप ५ प्रतिशत छुट पैना भाटभटेनी जानकारी डेले बा ।
