उद्यम विकास सहजकर्ता संघ कैलालीके अध्यक्षमे नरेश साउँद
पहुरा समाचारदाता
धनगढी,२७ कुवाँर । उद्यम विकास सहजकर्ता संघ कैलालीके अध्यक्ष पदमे नरेश साउँद चयन हुइल बटै । शनिच्चरके रोज संघके धनगढीमे हुइल जिल्ला अधिवेशन तथा शुभकामना अदान प्रदान कार्यक्रममे लौवा कार्यसमिति सर्वसहमतसे चयन हुइल हो ।
संघके उपाध्यक्षमे शोभा सुनार, सचिवमे दशरथ प्रसाद जोशी, सहसचिवमे अन्जु चौधरी ओ कोषाध्यक्ष पदमे सुस्मिता चौधरी चयन हुइल बटै । ओस्टेक संघके सदस्यमे अरुण चौधरी ओ कल्पना भण्डारी रहल बटै ।
सुदूरपश्चिम प्रदेश सरकारके उद्योग पर्यटन वन तथा वातावरण मन्त्री रमेश धामीके वडका पहुनामे हुइल कार्यक्रममे विशिष्ट पहुना धनगढी उप–महानगरपालिकाके नगर उपप्रमुख कन्दकला राना रहल रहिट ।
कार्यक्रमके पहुनामे सिटिइभीटी सुदूरपश्चिम प्रदेश कार्यालयके प्राविधिक अधिकृत त्रिभुवन चौधरी, राष्ट्रिय उद्यम विकास सहजकर्ता महासंघके सल्लाहकार सुजितराज शर्मा, सेती प्रादेशिक अस्पतालके अध्यक्ष निर्मला शाह, उद्यम विकास विशेषज्ञ भीम बहादुर विष्ट, राष्ट्रिय उद्यम विकास सहजकर्ता महासंघ सुदूरपश्चिम प्रदेश अध्यक्ष नरेश भट्ट, सेवक नेपालके अध्यक्ष पवन भण्डारीलगायतके सहभागिता रहे ।
उद्यम विकास सहजकर्ता संघ कैलालीके अध्यक्ष नरेश साउँदके अधयक्षतामे हुइल कार्यक्रममे स्वागत मन्तव्य गोदावरी नगरपालिकाके वरिष्ठ उद्यम सहजकर्ता दिपेन्द्र ओली करल रहिट ।
