पेट्रोलके मूल्य लिटरमे ११ ओ डिजलके ५ रुप्या घटल

काठमाडौं, २८ कुवाँर । नेपाल आयल निगम पेट्रोलके मूल्य घटैले बा ।

अँटवार रात १२ बजेसे लागु हुइना करके निगमसे पेट्रोलके मूल्य प्रतिलिटर ११ रुप्या ओ डिजलके मूल्य लिटरमे ५ रुप्या घटाइल हो ।

भारतीय आयल कर्पोरेसन (आईओसी)से घटके नयाँ मूल्य प्राप्त हुइल कारण मूल्य समायोजन करल निगम जनैले बा ।
नयाँ मूल्यअनुसार काठमाडौं उपत्यकामे पेट्रोलके मूल्य प्रतिलिटर १७३ रुप्यामे झरल बा कलेसे डिजलके प्रतिलिटर मूल्य १६८ रुपैयाँ परी ।