मानव अधिकार सहायता कक्ष प्रभावकारिता सम्बन्धी छलफल कार्यक्रम

पहुरा समाचारदाता
धनगढी, २ कार्तिक । मानव अधिकार सहायता कक्ष प्रभावकारिता सम्बन्धी छलफल कार्यक्रम धनगढीमे हुइल बा ।

इन्सेक सुदूरपश्चिम प्रदेशके आयोजनामे सरोकारवाला निकायसे मानव अधिकार सहायता कक्ष प्रभावकारिता सम्बन्धी छलफल हुइल हो । कार्यक्रममे सहजीकरण करटी इन्सेक प्रदेश संयोजक खडकराज जोशी मानव अधिकारके हननके घटनामे कमी नइआइल बटैलै । उहाँ कहलै, इन्सेकसे बर्ष पुस्तकके लाग तयारी करेबेर मानव अधिकार हननके घटनाके रिपोर्ट संकलन करेबेर राज्य पक्षसे २९२ ठो मानव अधिकार हननक घटना संकलन कैगिल बा ।’

आर्थिक मन्डीलागल बेला अब्बे महंगी बह्रल बा ।’ सर्वसाधारणहुक्रे पैना सहजे सेवामे गुणस्तर नइरहल, दशियामे बेला यात्रु जोखिम यात्रा करे पर्ना बाध्यता रहल बटैलै । ओस्टेक वहाँ यी बरस १२ जाने लैङिक हिंसामे परलहुकनके ८ हजारके दरसे आर्थिक सहयोग करल बटैलै ।

कार्यक्रममे गैर सरकारी संस्था महासंघ सुदूरपश्चिम प्रदेश अध्यक्ष देवी खनाल, अधिवक्ता पुष्प विक्रम शाही, फियान नेपालके प्रदेश संयोजक मुकुन्द राना, इन्सेकके प्रलेख अधिकृत कृष्ण विक, माइती नेपालके प्रमुख शिवचरण चौधरी, ओेरेक नेपालके जिल्ला संयोजक गीता चौधरी, राष्ट्रिय मानव अधिकार आयोग सुदूरपश्चिम प्रदेश कार्यालयके अधिकृत विदेशराम चौधरी, पत्रकार अर्जुन शाहलगायतके सहभागिता रहल रहे ।