थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०३ सावन २६४८, बिफे ]
[ वि.सं ३ श्रावण २०८१, बिहीबार ]
[ 18 Jul 2024, Thursday ]

जुवातास खेलुइया २७ जाने पक्राउ

पहुरा | १६ कार्तिक २०८०, बिहीबार
जुवातास खेलुइया २७ जाने पक्राउ

पहुरा समाचारदाता
धनगढी, १६ कार्तिक ।
कैलाली जिल्ला धनगढी उ.म.न.पा. १ स्थित साथीभाई होटलमे जुवातास खेल्टी रहल अवस्थामे धनगढी–५ बैठना बर्ष ४६ के पवन पन्त समेत ९ जनहनहे बुधके साँझ प्रहरी पक्राउ करले बा । बिशेष सूचनाके आधारमे जिल्ला प्रहरी कार्यालय कैलालीसे खटल प्रहरी टोली ओइनहे नगद रु. ३३ हजार ८५५ ओ तास ३ गडडीसहित पक्राउ करले बा ।

कञ्चनपुर जिल्ला शुक्लाफाँटा न.पा.१ बैठना फलेन्द्र रानाके भान्सा कोठामे जुवातास खेल्टी रहल अवस्थामे उहे ठाँउ बैठना बर्ष २९ के तेजबहादुर रानासमेत ८ जनहनहे बुधके राती प्रहरी पक्राउ करले बा । ईलाका प्रहरी कार्यालय झलारी कञ्चनपुरसे खटल प्रहरी टोली ओइनहे नगद रु.४० हजार ९२७ ओ तास ३ गडडीसहित पक्राउ करल हो ।

बाँके जिल्ला नेपालगंज उपमहानगरपालिका–२ बैठना ३२ वर्षीय रमेश साहुके घरमे जुवातास खेल्टी रहल अवस्थामे नेपालगंज बैठना दाङ घोराही उपमहानगरपालिका–१५ घर रहल २८ वर्षीय राजकुमार वली समेत १० जनहनहे बुधके राति प्रहरी पक्राउ करले बा । वडा प्रहरी कार्यालय नेपालगंजसे खटल प्रहरी ओइनहे नगद ८९ हजार ६ सय ३६ रूपैयाँ ओ ३ बुक ताससहित पक्राउ करल हो । सक्कु घटनाके सम्बन्धमे प्रहरी आवश्यक अनुसन्धान करटी रहल बा ।

जनाअवजको टिप्पणीहरू