सुदूरपश्चिम सरकारसे एक करोड रुपैयाँ सहयोगसहित स्वास्थ्यकर्मी पठैना घोषणा

पहुरा समाचारदाता
धनगढी, १८ कार्तिक । सुदूरपश्चिम प्रदेश सरकारसे जाजरकोट भूकम्प प्रभावितहे राहतके लाग एक करोड रुप्या रकम सहयोग कैना घोषणा करले बा ।

शनिच्चर बैठल मन्त्रिपरिषदके आकस्मिक बैठकसे सहयोग कैना निर्णय करटी घोषणा करल हो । मुख्यमन्त्री कमलबहादुर शाहसे गैलरात जाजरकोट जिल्लाहे केन्द्रबिन्दु बनाके गैल भूकम्पके कारण भारी धन जनके क्षतिपूर्तिप्रति गहिरो दुःख व्यक्त करटी सहयोग कैना निर्णय करल बटैलै ।

सुदूरपश्चिम प्रदेश सरकारसे कर्णाली प्रदेश सरकारहे सहायता पुग्न करके तत्काल रु १ करोड ओ स्वास्थ्य सामाग्री सहित २० जानेक चिकित्सक टोली आजु पठैना निर्णय करल हो ।