वाढी जोखिम सर्वेक्षण प्रतिवेदन हस्तान्तरण
पहुरा समाचारदाता
धनगढी, २३ कार्तिक । नेपाल रेडक्रस सोसाइटी कैलालीसे कैलारी गाउँपालिका स्ट्रोङग परियोजना अन्र्तगत संकलन करल वाढी जोखिम सर्वेक्षण प्रतिवेदन हस्तान्तरण करले बा ।
नेपाल रेडक्रस सोसाइटीके इन्जिनियर भरतराज भाट कैलारी गाउँपालिकाके वडा नम्बर १, ३,४ ओ ७ मे संकलन करल प्रतिवेदन प्रस्तुतीकरण करटी गाउँपालिका अध्यक्ष राजसमझ चौधरीके हस्तान्तरण करल रहिट । प्रतिवेदनमे बाढ प्रभावितके संख्यासे लेके आर्थिक ओ जनसंख्यालगायतके अवस्थाफे समेटल बा । उ प्रतिवेदन गाउँपालिकाके अनलाइन पोर्टलमे समवेश कैना उहाँ बटैलै ।
गाउँपालिका अध्यक्ष राजसमझ चौधरी कैलारी गाउँपालिका बाढके डुबान, कटान, पटानसंग्गे आगलागी ओ चटयाङके उच्च जोखिममे रहल ओरसे तथ्याङक संकलन आवश्यक रहल बटैलै ।
कार्यक्रममे कैलारी गाउँपालिका वडा नम्बर १ वडा अध्यक्ष धोजहरिपाल बोहरा, वडा नम्बर २ के वडा अध्यक्ष विकास चौधरी, वडा नम्बर ३ के वडा अध्यक्ष सन्तराम चौधरी, वडा नम्बर ४ के वडा अध्यक्ष ठागुराम चौधरी, वडा नम्बर ५ के वडा अध्यक्ष विष्णु प्रसाद चौधरी, वडा नम्बर ६ के वडा अध्यक्ष प्रेम बहादुर चौधरी, वडा नम्बर ७ के वडा अध्यक्ष दिपेन्द्र बम, वडा नम्बर ८ के वडा अध्यक्ष तारामल कठरिया, वडा नम्बर ९ के वडा अध्यक्ष खेमराज चौधरी, गाउँपालिकाके प्रमुख प्रशासकीय अधिकृत विरबहादुर ऐर, टमान शाखाके प्रमुख, कार्यपालिका सदस्यहुकनके सहभागिता रहल रहे । कार्यक्रमके संचालन कैलारी गाउँपालिकाके सामाजिक विकास शाखा प्रमुख यगम कलेल करल रहिट ।
