बेपत्ता कैलारी गाउँपालिकाके सवओभरसियर चौधरीके शव भेटगिल

पहुरा समाचारदाता
धनगढी, १ अगहन । कैलालीके टीकापुर पार्कस्थित कर्णाली लडियामे लहैना क्रममे वेपत्ता हुइल विशेष चौधरीके शव भेटल बा । कैलारी गाउँपालिका वडा नम्बर ९ मे कार्यरत सवओभरसियर चौधरी कार्तिक २५ गते डुबके बेपत्ता हुइल रहिट ।

उहाँक शव घटनास्थलसे झण्डे २ किलोमिटर टरे दौलतपुरघाट लग्गे भेटल इलाका प्रहरी कार्यालय टीकापुरके डिएसपी विश्वराज अधिकारी जानकारी डेले बटै । मृतक चौधरीके शव पानीमे घोप्या परल अवस्थामे भेटल बा ।

कैलालीके गौरीगंगा नगरपालिका वडा नम्बर ८ बढैपुरके चौधरी संघरियनसंग टीकापुर पार्क घुमे गैल रहिट । लडियामे डुबके बेपत्ता हुइल चौधरीके सशस्त्र, नेपाल प्रहरी, स्थानीय लगायतसे खोजी करल रहिट ।