सीमावर्ती भारतीय गाउँ बेलापरसुआमे साप्ताहिक बजार सुरु

पहुरा समाचारदाता
धनगढी, ११ अगहन । सीमावर्ती भारतीय गाउँ बेलापरसुआमे साप्ताहिक बजार (हाट बजार) सुरु हुइल बा ।

हरेक हप्ताके अँटवार लगैना करके साप्ताहिक बजार सुरु करल हो । गढीबाबा मेला लग्ना स्थानमे साप्ताहिक बजार लग्टी रहल बेलापरसुआके लल्लन कठरिया जानकारी डेलै । उहाँक अनुसार हाट बजारमे खरिद बिक्रीके लाग नेपालके भजनी नगरपालिका, कैलारी गाउँपालिका लगायतके स्थानसे ग्राहक अइना अपेक्षा करल बा ।

ओस्टेक, बजारमे नेपाली कृषकसे टिना लगायतके अपन उत्पादन बिक्री करे सेक्ना जनाइल बा । साप्ताहिक बजारमे कपडासे लेके टिना, मिठाइके परिकार लगायत खरिद करे सेक्ना कठरिया जानकारी डेलै ।