लैङिक ंिहसा विरुद्ध अभिमुखीकरण कार्यक्रम

पहुरा समाचारदाता
हसुलिया, ११ अगहन । कैलालीके कैलालीके कैलारी गाउँपालिकामे लैङिक हिंसा विरुद्धके १६ दिने अभियानके अवसरमे जनप्रतिनिधिहुकनके लाग मानव अधिकारके संरक्षण संबद्र्धन तथा लैङिक हिंसा निवारण ओ मनोसामाजिक परामर्श सम्बन्धी अभिमुखीकरण कार्यक्रम हुइल बा ।

कैलारी गाउँपालिका महिला तथा वालबालिका शाखाके आयोजना तथा गाउँपालिकामे क्रियाशिल रहल टमान संघ संस्थाके सहकार्यमे हुइल कार्यक्रम गाउँपालिका अध्यक्ष राजसमझ चौधरीके विशिष्ट आतिथ्यमे हुइल रहे । कार्यक्रममे सम्बोधन करटी उहाँ महिला करुइया कानूनके भागेदार हुइना बटैलै ।

नेपालके कानूनमे कौन अपराध करलेसे कटरा सजाय हुइना कना उल्लेख हुइल ओरसे कानूनके कार्यान्वयन हुइलसे ंिहसा न्यूनिकरण हुइना उहाँ बटैलै । कार्यक्रममे वडा नम्बर ३ के वडा अध्यक्ष सन्तराम चौधरी, गाउँपालिकाके प्रमुख प्रशासकीय अधिकृत विरबहादुर ऐरलगायत मन्तव्य व्यक्त करल रहिट । कार्यक्रममे वडा अध्यक्ष, टमान शाखाके प्रमुख, कार्यपालिका सदस्य, टमान संघ संस्थाके प्रतिनिधिहुकनके सहभागिता रहे । कार्यक्रमके संचालन कैलारी गाउँपालिका महिला तथा वालबालिका शाखा प्रमुख वालकुमारी चौधरी करल रहिट ।

ओस्टेक करके सोम्मारके रोज कैलारी गाउँपालिका वडा नम्बर ४ मे कैलारी गाउँपालिका महिला तथा वालबालिका शाखाके आयोजना तथा गाउँपालिकामे क्रियाशिल रहल टमान संघ संस्थाके सहकार्यमे वडा नम्बर ४ के वडा अध्यक्ष ठागुराम चौधरीके संयोजकत्वमे भल्मन्सा, महिला स्वास्थ्य सेविका ओ अभिभावकविच लैङिक हिंसा, बालविवाह न्यूनिकरण, मनोसामाजिक परामर्श, लैङिक तथा अल्पसख्यक समुदायहुकनके पहिचान, सामावेशीकरण विषयमे अन्तरक्रिया कैगिल हो ।

कार्यक्रममे कैलारी गाउँपालिका महिला तथा वालबालिका शाखाके प्रमुख बालकुमारी चौधरी लैङिक हिंसा विरुद्ध सुरुवाट करल १६ दिने अभियानके सुरुवाटबारे जानकारी डेहल रहिट । यी अभियान नोभेम्बर २५ सुरु हुके डिसेम्बर १० सम संचालन रहना उहाँ जनैलै । अभियानके सुरुवाट प्रभातफेरी ओ सोम्मार अन्तरक्रिया करल बटैली । ओस्टे मंगर (आज) जनप्रतिनिधिहुकनहे मानव अधिकार तथा लैङिक हिंसा सम्बन्धी अभिमुखीकरण, सडक नाटक, हाजिरी जवाफ प्रतियोगिता, अपाङता दिवस, ¥याली सडक नाटक, लागुऔषध न्यूनिकरण सम्बन्धी राष्ट्रिय मावि विचैपुरमे अन्तरक्रिया कार्यक्रम लगायत कैगिल उहाँ बटैली ।

कार्यक्रममे लैङिक हिंसा, बालविवाह न्यूनिकरण, मनोसामाजिक परामर्श, लैङिक तथा अल्पसख्यक समुदायहुकनके पहिचान, सामावेशीकरण विषयमे भल्मन्सा, महिला स्वास्थ्य सेविका ओ अभिभावकहुकनसे छलफल कैगिल रहे । कार्यक्रममे कार्यपालिका सदस्य, वडा सदस्यलगायतकेफे सहभागिता रहल रहे ।