राधाकृष्ण सामदायिक वनके १७औं बार्षिक साधारण

पहुरा समाचारदाता
पहलमानपुर, १६ अगहन । कैलाली जिल्लाके भजनी नगरपालिका–२ राजवारास्थित राधाकृष्ण सामुदायिक वन उपभोक्ता समुहके १७औं बार्षिक साधारणसभा तथा सार्वजनिक सुनुवाई कार्यक्रम शनिच्चरके रोज निम्ज बा ।

भजनी नगरपालिका–२ के वडा अध्यक्ष दुर्गा बहादुर पुन कार्यक्रममे वडका पहुना रहिट । कार्यक्रममे उहाँ राधाकृष्ण सामुदायिक वन भिटर पर्यटकीय क्षेत्र बनाइक लाग दुई लाख रुप्या बजेट विनियोजन करल बटैलै । कार्यक्रममे खास पहुना डिभिजन वन कार्यालय भजनीके वन रक्षक प्रकाश विक, शिव पार्वती मन्दिर व्यवस्थापन समितिके अध्यक्ष दरवारीलाल चौधरी, ताराबाग सिचाई आयोजनाके अध्यक्ष बिनुलाल चौधरी, पत्रकार जीवन चौधरी, धमेन्द्र विष्ट मन्तव्य व्यक्त करल रहिट ।

राधाकृष्ण सामुदायिक वन उपभोक्ता समुहके अध्यक्ष खुमबहादुर खडकाके घरगोस्यामे हुइल कार्यक्रममे उहाँ लोहोटिहुवा तालहे सामुदायिक वनके मतहतमे नन्ना प्रतिवद्धता जनैलै । कार्यक्रमके संचालन ओ समुहक आय व्यय सार्वजनिक कोषाध्यक्ष इन्द्रबहादुर विक करल रहिट ।