दीप प्रज्वलन करके अन्तर्राष्ट्रिय मानवअधिकार दिवस मनागिल
पहुरा समाचारदाता
धनगढी, २४ अगहन । “भबिष्यमे मानवअधिकार संस्कृतिहे एकिकृत ओ दिगो बनाई कना मूल नाराके साथ ७५ औँ अन्तराष्ट्रिय मानवअधिकार दिवस धनगढीके पार्क चौकमे दीप प्रज्वलन करके मनागिल बा ।
मानवअधिकार संरक्षण मंच नेपालके प्रदेश अध्यक्ष डिल्लीराज जोशी ओ एम्नेस्टी ईन्टरनेशनल नेपाल समूह –४४ के संयोजक ओमप्रकाश पाण्डेय दीप प्रज्वलन करके कार्यक्रमके शुभारम्भ करल रहिट ।
कार्यक्रममे राष्ट्रिय दलित आयोगके सदस्य मिना सोब, धनगढी उपमहानगरपालिका उप प्रमुख कन्दकला राना, मानवअधिकार संरक्षण मंच नेपालके प्रदेश अध्यक्ष डिल्लीराज जोशी, एम्नेस्टी ईन्टरनेशनल नेपाल समूह– ४४ के संयोजक ओम प्रकाश पाण्डेय, नेपाली लेखक संघके केन्द्रीय सदस्य गणेश नेपाली, दलित गैरसरकारी संस्था महासंघके प्रदेश अध्यक्ष प्रेम बिसी, गैरसरकारी संस्था महासंघके प्रदेश अध्यक्ष देवी प्रसाद खनाल, बहुउद्धेश्यीय विकास मंचके कार्यक्रम अधिकृत राजेन्द्र रैका, महिला पैरवी मंचके अध्यक्ष सपना भण्डारी, एम्नेस्टी नेपाल ऐश्वर्य युथ नेटवर्कके अध्यक्ष सुरज खड्का, कैलाली जनपुस्तकालयके कोषाध्यक्ष शेरसिह खड्का लगायतके सहभागीता रहल रहे ।
कार्यक्रम एम्नेस्टी ईन्टरनेशनल नेपाल समूह– ४४,मानवअधिकार संरक्षण मंच नेपाल, बहुउद्धेश्य विकास समाज, डडेल्धुरा, एम्नेस्टी नेपाल ऐश्वर्य युथ नेटवर्क लगायतके संघसंस्थाके संयुक्त आयोजनामे सम्पन्न हुइल रहे ।
