थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०३ फागुन २६४८, शनिच्चर ]
[ वि.सं ३ फाल्गुन २०८१, शनिबार ]
[ 15 Feb 2025, Saturday ]

नागरिक उन्मुक्ति पार्टीके महाधिवेशन सुरु

पहुरा | २६ पुष २०८०, बिहीबार
नागरिक उन्मुक्ति पार्टीके महाधिवेशन सुरु

पहुरा समाचारदाता
टीकापुर, २६ पुस
। नेकपा एकीकृत समाजवादीके अध्यक्ष तथा पूर्व प्रधानमन्त्री माधव कुमार नेपाल एक्के वंशके हातमे शासन लैजाके सक्कुहुनहे दास बनैना व्यवस्था स्वीकार्य नइहुइना बटैलै ।

कैलालीके टीकापुरमे बिफेक रोज नागरिक उन्मुक्ति पार्टीके पहिल महाधिवेशन उदघाटन समारोहहे सम्बोधन करटी नेपालसे यैसिन बटाइल हुइट । उहाँ अभिन मुलुकमे राजतन्त्र लौटैना करके गतिविधि हुइटी रहलेसेफे आब राजतन्त्र लौटना सम्भावना रहल बटैलै ।

उहाँ कहलै, ‘गणतन्त्रके विरुद्धमे, हेरासेकल, बिटसेकल कामे नइलग्ना अवस्थामे पुगल संस्थाके विषयमे आवाज उठे लागल बा । कुछ मनै गोर उठैटी बटै । राजतन्त्र इतिहास हुसेकल बा आब उ सम्भव नइहो ।’
उहाँ पार्टी व्यवस्थासे निर्दलीय, निरंकुश ओ अधिनायकवाद काम नइलग्ना जिकिर करलै । ‘एक ठो वंशके हातमे शासन लैजाके सक्कुहुनहे दास बनैना व्यवस्था काम नइलागठ । फेर दास बनैना करके कोई आई लागल बा उ स्वीकार्य नइहो ।’

उहाँ पार्टी निर्वाचित जनप्रतिनिधिहे निगरानी धारे पर्नामे जोड डेलै । ‘कौनो पार्टी ओ नेता गल्ती करल कहटीमे सक्कु नेता खराब सक्कु पार्टी गलत कहे नइमिली ।’ रेशम चौधरी घटनामे प्रत्यक्ष रुपमे नइरहल बटैलै ।
‘सक्कु समुदायके बिचमे सम्मानके व्यवहार करे परठ । यी देशके अपन पहिचानहे जोगाई परी, नेपाल कहलै, ‘हमार युवा विदेश पलायन हुइटी रहल बटै । उ संख्या कम करे परल । तीनु तहके सरकारके ध्यान डेहे परठ ।’

अपन पहलमे सुदूरपश्चिम प्रदेशमे टमान विकासके काम आघे बह्रलफे बटैलै । सेती लोक मार्ग, रानिजमरा कुलरिया सिचाइ आयोजना, सुदूरपश्चिम विश्वविद्यालय, गेटामे मेडिकल कलेज अपने पहलमे सुरु हुइल बटैलै ।

जनमत पार्टीके अध्यक्ष सिके रावत अधिकारके नाममे हुइल आन्दोलनमे सरकारसे विभेद करल आरोप लगैले बटै । नागरिक उन्मुक्ति पार्टीके महाधिवेशन उदघाटन करटी उहाँ यैसिन बटैलै । माओवादीसे करल जनयुद्धहे संकेट करटी उहाँ कहलै, ‘यहाँहुक्रे हजारौँ हजारके ज्यान गैल हम्रे अधिकार मागबेर जन्मकैद हुइठ उ कैसिन अधिकार हो ?’ उहाँ कहलै ।
नेपाल भिटर बोल्ना सक्कु पहिचान ओ भाषाहे सम्मान करे पर्नामे उहाँ जोड डेलै । मने, सरकारसे विभेद हुइना करल रावतके आरोप रहे । महाधिबेशन तीन दिनसम चल्ना आयोजक जनैले बा । महाधिवेशनके पार्टीके केन्द्रीय अध्यक्ष रन्जिता श्रेष्ठ, पार्टीके संरक्षक रेशम चौधरी, पार्टीके केन्द्रीय नेताहुक्रे, प्रदेश अध्यक्ष, जिल्ला अध्यक्ष तथा कार्यकर्ताहुकनके सहभागिता रहल बा ।
ध्चष्तभ तय एचझ ऋजबगमजबचथ

जनाअवजको टिप्पणीहरू