नागरिक उन्म्ुक्ती पार्टीके अध्यक्ष पदमे रेशमलाल चौधरी
पहुरा समाचारदाता
धनगढी, २७ पुस । नागरिक उन्मुक्ती पार्टीके केन्द्र्रीय अध्यक्षमे रेशमलाल चौधरी निर्विरोध निर्वाचित हुइल बटै ।
कैलालीके टिकापुरमे हु्इल पार्टीके पहिल केन्द्रीय महाधिवेशनसे उहाँ निर्विरोध निर्वाचित हुइल निर्वाचन अधिकृत गीता चौधरी बटैली । पार्टीके वरिष्ठ उपाध्यक्षमे दामोदर पण्डित, उपाध्यक्षमे रतनबहादुर थापा (सुपप्र), शिवकुमार वास्तोला(गण्डकी प्रदेश), महेन्द्र पुन (कर्णाली प्रदेश), इन्द्रकुमारी लिम्बु (कोशी प्रदेश) ओ रामकुमार महतो (मधेश प्रदेश) रहल बटै ।
सहमहासचिवमे रामलाल डंगौरा, पदम अधिकारी, पवनकुमार साह, दिलकुमार लावती, राजन गुरुङ, प्रेमवती राना, निर बहादुर श्रेष्ठ रहल बटै ।
सचिव पदमे तुल्सी प्रसाद चौधरी, ललित तम्राकार, चन्द्रकुमार चौधरी, विजयकुमार बस्नेत रहल बटै । सहसचिव पदमेृ पुष्पलता रेग्मी अधिकारी, करिश्मा कठरिया, अहमद हुसेन मनिहर, मनिराम भण्डारी, लालबहादुर रावत, अम्बरबहादुर लिम्बु रहल बटै कलेसे कोषााध्क्ष पदमे टीकालक्ष्मी चौधरीफे निर्विरोध निर्वाचित हुइल उहाँ जनैली ।
नागरिक उन्मुक्ति पार्टी २०७८ फागुनमे खुलल रहे । उ बेला जेलमे रहल रेशमलाल चौधरी अपने संरक्षक ओ गोसिनीय रञ्जिता श्रेष्ठहे अध्यक्ष तोकल रहिट । पहिल चो निर्वाचन लरल नागरिक उन्मुक्ति पार्टी २०७९ सालके स्थानीय निर्वाचनमे कैलालीके चार पालिका प्रमुख जिटल रहे ।
प्रतिनिधि सभा निर्वाचनमेफे कैलालीके तीन ओ बर्दियामे एक करके चार स्थान जिटल रहे । उन्मुक्तीसे कैलालीके चार प्रदेश सभा सदस्य प्रत्यक्ष ओ समानुपातिकामे तीन प्रदेश सभा सदस्यफे जिटले बा ।
हालके सत्ता गठबन्धनम रहल नागरिक उन्मुक्ति पार्टीके संघीय सरकारमे भूमि व्यवस्था सहकारी तथा गरीबी निवारण मन्त्रालय पैले बा । मन्त्री रेशमलाल चौधरीके गोसिनीय रञ्जिता श्रेष्ठ बटै । ओस्टेक सुदूरपश्चिम प्रदेश सरकारमेफे एक मन्त्री, एक राज्यमन्त्री ओ एक प्रदेश सभाके विषयगत समिति पैले बा ।
