गाउँपालिका उपाध्यक्षसे सिलाई कटाई तालिमके अनुगमन

पहुरा समाचारदाता
हसुलिया, १५ माघ । सीप तथा व्यवसायिक विकास कार्यक्रम अन्र्तगत कैलारी गाउँपालिका–५ पवेरामे हुइटी रहल तह–२ के सिलाई कटाई तालिमके गाउँपालिका उपाध्यक्ष भगवतीकुमारी चौधरीसे सोम्मारके रोज अनुगमन करले बटी ।

उ तालिम कैलारी गाउँपालिका महिला तथा वालबालिका शाखाके आयोजनामे यिहे गैल पुष २० गतेसे फागुन २१ गतेसम्म संचालन हुइटी रहल बा । तालिमके अनगुगमन करटी उहाँ मजासे सिख्ना आग्रह करटी तालिम पश्चात टमान अवसर ओ अपने गाउँघरमेफे व्यवसाय संचालन करे सेक्ना बटैली ।

तालिममे २७ जाने सहभागी रहल बटै कलेसे प्रशिक्षण चम्पा बोहरा डेटी रहल बटी ।