चैतन्य स्टिम वर्कसप निम्जल
पहुरा समाचारदाता
धनगढी, २२ माघ । धनगढीमे रहल चैतन्य पाठशालामे माघ १६गतेसे सञ्चालन हुइल चैतन्य स्टिम वर्कसप सोम्मारके रोज निम्जल बा ।
स्टिम वर्कशप २०८० मे विद्यार्थीनहे ओरिन्टेसन ओ टमान क्याम्प निर्माण करके उडडयनमे विमान बनैनासे उरैना परिक्षण करल रहे । चैतन्य पाठशाला साइन्स ओ रोवोटिस विभागके विद्यार्थीहु्कनके आयोजनामे हुइल स्टिम वर्कसप कार्यक्रममे टमान १२ ठो विद्यालयके विद्यार्थी एक हप्तासम वर्कसपमे कक्षा चलैना ओ महत्वपूर्ण आकर्षणके रूपमे रिमोट कन्ट्रोलसे विद्यार्थीसे प्लेनफे उरैले रहिट । सहभागी १२ ठो विद्यालयके बिद्यार्थीनहे ओरिन्टेसन करल प्रमाण पत्र समेत पाठशालासे प्रदान करले बा ।
कार्यक्रमके आकर्षणके रूपमे कृत्रिम बुद्धिमत्ता शिविर, रकेट विज्ञान शिविर, खगोल विज्ञान शिविर रहल रहे । ओस्टेक रोबोटिक्स शिविर, उडडयन शिविर, उपग्रह शिविर, ड्रोन प्रदर्शन, भौतिक विज्ञानके जादु, रोमाञ्चक पुरस्कारसंग खेल सिकाई, वैज्ञानिक हार्डवेयर प्रदर्शनी टेलिस्कोप, थ्रिडी प्रिन्टर, रकेट रहल रहे ।
चैतन्य पाठशालाके प्रधानाध्यापक कटकबहादुर सिंह विद्यार्थीनहे शिक्षासंगे कला ओ संस्कृतिके मूल्य मान्यता जागृति करैना, दक्ष, क्षमतावान, अब्बल विद्यार्थी उत्पादन कैना यी ओरेन्टेशन ७ दिनके केल नइहुके आब निरन्तर चल्टी रहना बटैलै ।
पाठशालासे भविष्यके बैज्ञानिकके रुपमा राष्ट्रिय रुपमे वैज्ञानिक उत्पादन कैना उदेश्यसे चैतन्य पाठशालामे चैतन्य स्टीम वर्कसप आयोजना करल हो । विद्यार्थीके विकास कैना स्टीम कार्यक्रम बाल्यअवस्थासे सुरु करलमे भविष्यमे सहयोग पुग्न अपेक्षा रहल कार्यक्रमके वरका पहुना पूर्व रजिष्टार सु.प विश्वबिद्यालय प्रमुख सल्लाकार, चैतन्य इन्स्टिच्युट फर रिसर्च एण्ड डिभल्पमेन्ट प्रा.डा. हेमराज पन्त बटैलै ।
कार्यक्रम चैतन्य पाठशालके सिइओ गणेशप्रसाद जोशीके अध्यक्षतामे हुइल कार्यक्रममे सहजीकरण सहायक प्राधानाध्यापक रमेश छेडाल करल रहिट । कलेसे कार्यक्रमके सञ्चालन बिद्यालयके शिक्षक बिन्दास बम करले रहिट ।
