धनगढीके पाँच विद्यालयहे नमुना विद्यालय बनैना

पहुरा समाचारदाता
धनगढी, २४ माघ । कैलालीके धनगढी उपमहानगरभिटर सञ्चालित पाँच ठो विद्यालयहे नमुना विद्यालयके रुपमे विकास कैना सम्झौता करल बा । विद्यालय निर्माण ओ गुणस्तर शिक्षा सुधार कैना बुधके टिच फर नेपाल ओ धनगढी उपमहानगरपालिकाबिच सम्झौता हुइल हो ।

उपमहानगरभिटर सञ्चालित पाँच ठो विद्यालयहे नमुना विद्यालयके रुपमे विकास कैना टिच फर नेपालके प्रमुख कार्यकारी अधिकृत (सिइओ) स्वस्तिका श्रेष्ठ ओ धनगढी उपमहानगरपालिकाके नगरप्रमुख गोपाल हमालबिच सम्झौता हुइल हो ।

धनगढी उपमहानगरपालिका भिटरके ठेकराज मावि वडा नम्बर ११, सिद्धनाथ मावि वडा–१२, चन्द्रोदय मावि वडा–१८, बेहडाबाबा मावि वडा–१६ ओ भवानी मावि वडा नम्बर ९ मे उ कार्यक्रम लागू कैना नगर प्रमुखके सचिवालय जनैले बा ।