मानवाधिकारके सवाल ओ सरोकारवालाके भूमिकाबारे अन्तरक्रिया
पहुरा समाचारदाता
धनगढी, १० फागुन । राज्यके जिम्मेवार निकाय ओ सरोकारवालासे जनताहुकनके गुनासो समयमे सम्बोधन करे सेक्लेसे नागरिक मानव अधिकारके प्रत्याभूति करे सेक्ना एक कार्यक्रमके सहभागीहुक्रे बटैले बटैं ।
राष्ट्रिय मानव अधिकार आयोग सुदूरपश्चिम कार्यालय, धनगढीके आयोजनामे बुधके रोज धनगढीमे हुइल सुदूरपश्चिम प्रदेशके मानव अधिकारके सवाल ओ सरोकारवालाहुकनके भूमिका विषय अन्तरक्रिया कार्यक्रमके सहभागीहुक्रे जनताहुक्रे न्यायके पहुँच हुइ सेक्लेसे मानवअधिकारके प्रत्याभूति हुइ सेक्ना बटैलैं ।
कार्यक्रममे राष्ट्रिय अपांगता संघके अध्यक्ष मानबहादुर साउँद मानव अधिकारके अनुभूति करेक लाग बनल कानूनके सही ढंगसे कार्यान्वयन हुइ परना बटैलैं । युवा शान्ति परिषद नेपालके प्रेम ढुंगाना स्थानीय निकायसे मानव अधिकारके संरक्षण करे परना बटैले रहैं ।
अस्टेक, फाया नेपालके धनपति ढुंगेल कानूनके कार्यान्वय नैहुइल ओरसे मानव अधिकारप्रति जनता निरास हुइल बटैलैं । उहाँ मानव अधिकार रक्षाके लाग हुइल कमिकमजोरीहे सुधार ओ समन्वय कैके आघे बह्रपरना टैलैं । कार्यक्रममे अधिकारकर्मी गोमा आचार्य न्याय प्रक्रिया भलन्झटहा रहल ओरसे महिला हिंसा बह्रल बटैले रहैं ।
कार्यक्रममे पिसविनके जुद्ध रावल, याक नेपालके सर्जु चौधरी, मुकुण्ड राना, हरिलाल चौधरीलगायतके मन्तव्य व्यक्त करले रहैं ।
कार्यक्रममे सुदूरपश्चिममे रहल महिला, बालबालिका, स्वास्थ्य, शिक्षा, खाद्यअधिकारलगायतके विषयमे छलफल हुइल रहे ।
