थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०३ फागुन २६४८, शनिच्चर ]
[ वि.सं ३ फाल्गुन २०८१, शनिबार ]
[ 15 Feb 2025, Saturday ]

आरके ओ अनुहे सर्वोत्कृष्ट आधुनिक गायनके अवार्ड

पहुरा | २५ चैत्र २०८०, आईतवार
आरके ओ अनुहे सर्वोत्कृष्ट आधुनिक गायनके अवार्ड

पहुरा समाचारदाता
धनगढी, २५ चैत ।
नेपालमे पहिलचो आयोजना हुइल थारू राष्ट्रिय म्युजिक अवार्डके विजेता घोषणा करल बा । बर्दगोरिया इभेन्ट एन्ड मार्केटिङ प्रालिके आयोजनामे धनगढीमे हुइल एक भब्य समारोहके बिच विजेता घोषणा करल हो ।

आयोजकके अनुसार सर्वोत्कृष्ट आधुनिक गायन (पुरुष) ओरके अवार्ड आर के थारू ओ सर्वोत्कृष्ट आधुनिक गायन (महिला) के अवार्ड अनु चौधरी पैले बाटी । ओस्टके सर्वोत्कृष्ट लोक गीत गायन (पुरुष)के अवार्ड दर्पण कुशुम्या ओ सर्वोत्कृष्ट लोक गीत गायन (महिला)के अवार्ड सोनु कुश्मी जिट्ले बाटी ।

सर्वोत्कृष्ट गायन (पुरुष) ओर आर के थारू ओ सर्वोत्कृष्ट गायन (महिला) ओरके अवार्ड समीक्षा चौधरी जिट्ले बाटी । सर्वोत्कृष्ट गीत लेखकके अवार्ड महेश कुचिला पैले बाटै कलेसे सर्वोत्कृष्ट संगीतकारके अवार्ड आर के थारू पैले बाटै । थारू सर्वोत्कृष्ट गीत बरस २०८० के अवार्ड फेन हाठ परले बाटै ।

सर्वोत्कृष्ट म्युजिक भिडियो छायाँकारके अवार्ड सतिष सिन्हा जिट्ले बाटै कलेसे सर्वोत्कृष्ट म्युजिक भिडियो निर्देशकके अवार्ड हिरा चौधरी जिट्ले बाटै । सर्वोत्कृष्ट मोडल (पुरुष) ओरके अवार्ड नरेश चौधरीपैले बाटै कलेसे महिला ओर मुस्कान चौधरी जिट्ले बाटी ।

सर्वोत्कृष्ट नव प्रतिभा मोडल (पुरुष) के अवार्ड आर्यन चौधरी जिटेबर महिला ओरके नेहेल्जा चौधरी जिट्ले बाटी । सर्वोत्कृष्ट युगल मोडलके अवार्ड रोनी ओ दिपिका चौधरी जिट्ले बाटै । सर्वोत्कृष्ट शृङ्गारके अवार्ड अम्रता राजवीर जिट्ले बाटी । सर्वोत्कृष्ट नव प्रतिभा गायनके अवार्ड विक्रम चौधरी जिट्ले बाटै । ओस्टके सर्वोत्कृष्ट आइटम मोडल (महिला)के अवार्ड सदिक्षा चौधरी जिट्ले बटि ।

जनाअवजको टिप्पणीहरू