थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०५ असार २६४८, मंगर ]
[ वि.सं ५ असार २०८१, मंगलवार ]
[ 18 Jun 2024, Tuesday ]

१०१ सुत्केरीहे पोषणयूक्त खाद्यन्न ओ हाइजेनिक किटस उपहार

पहुरा | २३ जेष्ठ २०८१, बुधबार
१०१ सुत्केरीहे पोषणयूक्त खाद्यन्न ओ हाइजेनिक किटस उपहार

पहुरा समाचारदाता
हसुलिया, २३ जेठ ।
कैलारी गाउँपालिका वडा नम्बर ६ ओ ८ नम्बरके १०१ जाने सुत्केरी महिलाहुक्रे पोषणयुक्त खाद्यन्न ओ हाइजेनिक किटस झोला उपहार पैले बटै ।

कैलारी गाउँपालिकाके आर्थिक सहयोगसे ‘सुत्केरी महिलाहुकनके लाग उपाध्यक्षसंग पोषण विशेष कार्यक्रम’ अन्र्तगत चालु आर्थिकमे वडा नम्बर ६ स्थित बनकट्टा स्वास्थ्य चौकी ओ वडा नम्बर ९ के गदरिया स्वास्थ्य चौकीमे बच्चा जन्माइल सुत्केरी महिलाहुकनहे पोषणयुक्त खाद्यन्न ओ हाइजेनिक किटस झोला उपहार थारु महिला संजाल कैलारीसे डेगिल हो ।

पोषणयुक्त खाद्यन्न ओ हाइजेनिक किटस झोला उपहार हस्तान्तरण कार्यक्रम गाउँपालिका उपाध्यक्ष भगवतीकुमारी चौधरीके वरका पहुनामे हुइल रहे । बुधके रोज वडा नम्बर ६ स्थित बनकट्टा स्वास्थ्य चौकीमे २९ जनहनहे गाउँपालिका उपाध्यक्ष ओ वडा अध्यक्ष प्रेमबहादुर चौधरीलगायतसे एक कार्यक्रमके विच पोषणयुक्त खाद्यन्न ओ हाइजेनिक किटस झोला उपहार हस्तान्तरण करल रहिट । सुत्केरी महिलाहुकनके लाग उपाध्यक्षसंग पोषण विशेष कार्यक्रम अन्र्तगत सुत्केरी महिलाहुक्रे पोषणयुक्त खाद्यन्न ओ हाइजेनिक किटस झोला उपहार औरे वडामे डेसेकल ओरसे बाँकी रहल वडामे वितरण कैटी रहल हो ।

ओस्टेक वडा नम्बर ९ स्थित गदरिया स्वास्थ्य चौकीमे गाउँपालिका उपाध्यक्ष भगवतीकुमारी चौधरी वडा अध्यक्ष खेमराज चौधरीलगायतसे पोषणयुक्त खाद्यन्न ओ हाइजेनिक किटस झोला उपहार हस्तान्तरण करल रहिट ।
सुत्केरी महिलाहुकनके पोषणयूक्त पैलेसे ओइनके स्वास्थ्य मजा रना ओ बच्चाहुकनहे स्वास्थ्य बनैना उद्देश्यके साथ यी कार्यक्रम लागु करल गाउँपालिका उपाध्यक्ष बटैली ।

उपहार झोलामे पोषणयूक्त खाद्यन्न टमान मेरिक गेडागुडी, घिउ ओ हाइजेनिक किटसमे बच्चा ओ सुत्केरी महिलासे प्रयोग कैना टमान मेरिक सामान रहल कैलारी गाउँपालिका स्वास्थ्य शाखाके सिअनमी अनिता चौधरी बटैली । सुत्केरी महिलाहुकनके उपहारसहित ओकर प्रयोगबारे जानकारीफे डेगिल उहाँ बटैली ।

गर्भवती अवस्थासे सुत्केरी हुइटसम गदरिया स्वास्थ्य चौकीमे ओ बनकट्टा स्वास्थ्य चौकीमे नियमित चेकजाँच ओ चालु आर्थिक बर्षके साउन महिनासे अब्बेसमे उहे स्वास्थ्य संस्थामे बच्चा जन्माइल सुत्केरी महिलाहुकनके पोषणयुक्त खाद्यन्न ओ हाइजेनिक किटस झोला उपहार डेटी रहल उहाँ बटैली ।

सुत्केरी महिलाहुकनके उपहार वितरण कार्यक्रममे वडा नम्बर ३ के वडा अध्यक्ष सन्तराम चौधरी सम्बन्धित वडाके वडा सदस्यहुक्रे, स्वास्थ्य संस्थाके कर्मचारी, थारु महिला संजाल कैलारीके अध्यक्ष सरिता चौधरी, कृष्णीदेवी चौधरी, अनिता चौधरी बोहरा, अनिता चौधरी, गीता चौधरी, आरती चौधरीलगायतके उपस्थिति रहे ।

जनाअवजको टिप्पणीहरू