प्राकृतिक श्रोत द्वन्द्व रुपान्तरण केन्द्र नेपालके ११ औँ स्थापना दिवस

पहुरा समाचारदाता
धनगढी,२७ जेठ । प्राकृतिक श्रोत द्वन्द्व रुपान्तरण केन्द्र नेपालके ११ औँ स्थापना दिवस अँटवारके रोज एक कार्यक्रम बीच मनागिल बा ।

प्राकृतिक श्रोत द्वन्द्व रुपान्तरण केन्द्र नेपालके पश्चिम क्षेत्रके क्षेत्रीय संयोजक बल्लु चौधरीके अध्यक्षतामे हुइल कार्यक्रममे बरका पहुना कैलारी गाउँपालिकाके उपाध्यक्ष तथा न्यायिक समिति संयोजक भगवती कुमारी चौधरी रहल रहिट ।

पहुनामे प्रशिक्षक त्रिपुरा गिरी, कैलारी गाउँपालिकाके न्यायिक समिति सचिवालयके अस्सिटेन्ट राम कृष्ण चौधरी ओ कैलारी गाउँपालिका १ नम्बरसे ९ समके मेलमिलाप तालिममे सहभागीहुकनके उपस्थिति रहे । कार्यक्रम सञ्चालक बन्धु प्रसाद चौधरी करल रहिट ।