युनिक नेपालसे बीमा रकम हस्तान्तरण

पहुरा समाचारदाता
हसुलिया ३० जेठ । नेपालके पहिल स्मार्ट सटिफिकेट प्राप्त पहिल वित्तीय संस्था युनिक नेपाल लघुवित्त वित्तीय संस्था लिमिटेड शाखा कार्यालय हसुलिया कैलालीसे एक कार्यक्रमके आयोजना करके समूह सदस्यहे ग्राहक संरक्षण कोष अन्तर्गत किरीया खर्च प्रदान करले बा ।

युनिक नेपाल लघुवित्त वित्तीय संस्था लिमिटेडसे कैलाली जिल्ला कैलारी गाँउपालिका वडा नं १ मझरा बैठना गुलपी देवी चौधरीहे किरिया खर्च प्रदान करल हो । युनिक नेपाल लघुवित्त वित्तीय संस्था लिमिटेड ओ शाखा कार्यालय हसुलिया कैलालीसे वीमा बाफतके रकम रु ३० हजार ७६ रुपैया प्रदान करल हो ।

उ कार्यक्रममे बोल्टी युनिक नेपाल लघुवित्त वित्तीय संस्था लिमिटेड शाखा कार्यालय हसुलिया कैलालीके शाखा प्रमुख निर्मल रैका समाजसेवी बाधुराम चौधरीके निधनमे दुख ब्यक्त करलै ।

गुलपी देवी चौधरीके गोसिया बाधुराम चौधरीके ५० वर्षके उमेरमे निधन हुइल रहे । उहाँक ३ छाई ओ १ छावा रहल बटै । युनिक नेपाल लघुवित्त वित्तीय संस्था लिमिटेडसे २०५७ सालसे पाछे पारल वर्ग थारु, दलित, मुस्लिम, आदिवासी, जनजाती, सिमान्तकृत समुदाय गरिवीके रेखाटरे रहल महिला डिडीहुकनहे लघुवित्त कार्यक्रमसे आर्थिक रुपमे सवलीकरण कैना तथा क्षमता अभिवृद्धि कैना ग्रामीण क्षेत्रमे कार्य करटी आइल बा ।

हाल युनिक नेपाल लघुवित्त वित्तीय संस्था लिमिटेडसंग करिब ९० हजारसे ढेर महिलाडिडी बहिनीया लघुवित्त सेवा लेटी समुहमे बैठल बटै । युनिक नेपाल लघुवित्त वित्तीय संस्था लिमिटेडसे कैलाली, कञ्चनपुर, बांके, बर्दिया, दाङ, कपिलवस्तु, करके ६ ठो जिल्लामे ४१ ठो शाखा मार्फत सेवा करटी आइल बा ।