कैलारी गाउँपालिका वडा नम्बर ४ के सार्वजनिक सुनुवाई कार्यक्रम

पहुरा समाचारदाता
हसुलिया, १ असार । कैलारी गाउँपालिका वडा नम्बर ४ के आर्थिक बर्ष २०८०÷०८१ के सार्वजनिक सुनुवाई शनिच्चरके रोज सम्पन्न हुइल बा ।

कैलारी गाउँपालिका वडा नम्बर ४ के कार्यालयके आयोजना तथा पहुरा मिडिया प्रालिके सहजीकरणमे सार्वजनिक सुनुवाई कार्यक्रम हुइल हो । कैलारी गाउँपालिका वडा नम्बर ४ के वडा अध्यक्ष ठागुराम चौधरीके अध्यक्षतामे हुइल कार्यक्रममे कृषि, स्वास्थ्य, शिक्षामे ढेर ध्यान डेहल बटैलै । सीमित बजेटके बाबजुटफे भौतिक पूर्वाधार ओर सडक स्तरोन्नती, सिचाईके लाग बोरिङ गरना कामफे कैगिल उहाँ बटैलै । कृषकहुकनहे टिना खेतीओर ध्यान डेना अध्यक्ष आग्रह करलैं ।

कार्यक्रममे वडा सचिव श्रीप्रसा चौधरी वडा कार्यालयसे चालु आर्थिक बर्षके गतिविधि प्रस्तुत करटी १० ठो योजना सम्पन्न हुइल बटैलै । स्थानीय सरकार ७ ठो, प्रदेश सरकारके २ ओ प्रधानमन्त्री रोजगार कार्यक्रम अन्र्तत १ ठो योजना रहल उहाँ बटैलै ।
वडा कार्यालयसे जन्म दर्ता महिला पुरुष १४०, मृत्यु दर्ता २६, सम्बन्ध विच्छेद ४, विवाह दर्ता ५२, बसाई सरके आइल संख्या ५ घर, बसाई सरके गैल ७ घर रहल जनैलै ।

सार्वजनिक सुनुवाई कार्यक्रममे कार्यपालिका सदस्य लालबहादुर विका, कैलारी गाउँपालिका वडा नम्बर ४ के वडा स्तरीय भल्मन्सा समिति संयोजक जगलाल चौधरी, घुम्ती टोलके भल्मन्सा तिर्थ प्रसाद नेपाल, इन्द्रबहादुर टोलके भल्मन्सा टेकबहादुर परियारलागत मन्तव्य राखल रहिट ।

पहुरा दैनिकके सम्पादक प्रेम चौधरीसे सहजीकरण करल कार्यक्रममे वडा सदस्य मोहनलाल चौधरी स्वागत मन्तव्य राखल रहिट । कार्यक्रममे वडा सदस्यहुक्रे लक्ष्मी चौधरी, हरिद्वारी चौधरी, सुवा परियार, आधारभूत स्वास्थ्य केन्द्रके प्रतिनिधि, वडा नम्बर ४ स्थित २२ टोलके भल्मन्सा, विद्यालयके प्रअ, यूवा क्लवके अध्यक्षहुक्रे, सामुदायिक वनके अध्यक्ष, कृषि समुहके अध्यक्षहुक्रे, महिला स्वास्थ्य स्वयं सेविका, सहास नेपालके नरबहादुर जिरेल लगायत स्थानीयहुकनके सहभागिता रहे ।
थ्यग कभलत