नेपाली कांग्रेस क्षेत्र नम्बर ५ कैलालीसे रक्तदान
सर्वाधिक रक्तदाता उपाध्याय सम्मानित
पहुरा समाचारदाता
धनगढी, १८ असार । नेपाली राजनीतिके शिखर पुरुष स्वर्गीय गिरिजा प्रसाद कोइरालाके १०५ औ जन्म जयन्तीके अवसरमे नेपाली कांग्रेस क्षेत्रीय कार्यसमिति क्षेत्र नम्बर ५ से पार्टी कार्यालयमे रक्तदान कार्यक्रम आयोजना कैगिल बा ।
धनगढीमे रगतके अभावके कारण बिरामीहे रगत पैना सकस हुइटी रहल जानकारी पाइलपाछे नेपाली राजनीतिके शिखर पुरुष कोइरालाके जन्मजयन्तीके अवसर पारके रक्तदान कार्यक्रम आयोजना करल नेपाली कांग्रेस क्षेत्रीय कार्यसमिति क्षेत्र नम्बर ५ के सभापति भीम पडाल बटैलै ।
रक्तदान कार्यक्रममे ३२ जाने रक्तदान करल रक्तदान कार्यक्रमके संयोजक प्रदीप पाठक बटैलै । उहाँ २९ जाने पुरुष ओ ३ जाने महिला रक्तदान करल बटैटी यिहीसे रगत चहना बिरामीके लाग कम हुइलसेफे सहयोग पुग्न बटैलै ।
सर्वाधिक रक्तदाता उपाध्याय सम्मानित
रक्तदान कार्यक्रममे सुदुरपश्चिममे सबसे ढेर १०५ चो रक्तदान करल स्वयंसेवी रक्तदाता एवमं पत्रकार दीपक उपाध्यायहे सम्मान करल बा । कार्यक्रमके प्रमुख अतिथि समेत रहल कैलाली क्षेत्र नम्बर ५ के प्रतिनिधि सभा सदस्य डिल्लीराज पन्त सर्वाधिक रक्तदाता उपाध्यायहे दोसल्ला ओ प्रमाणपत्र सम्मान करल रहिट ।
