थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०२ सावन २६४८, बुध ]
[ वि.सं २ श्रावण २०८१, बुधबार ]
[ 17 Jul 2024, Wednesday ]

धनगढी उपमहानगरसे एसईईमे मजा नतिजा नन्ना १० विद्यालयहे सम्मान

पहुरा | २० असार २०८१, बिहीबार
धनगढी उपमहानगरसे एसईईमे मजा नतिजा नन्ना १० विद्यालयहे सम्मान

पहुरा समाचारदाता
धनगढी, २० असार ।
भर्खर प्रकाशित माध्यमिक शिक्षा परीक्षा (एसईई) के नतिजामे धनगढीके सामुदायिक ओ संस्थागत विद्यालय मध्ये सबसे ढेर प्रतिशत विद्यार्थी उत्तीर्ण हुइना सफल दस विद्यालयहे सम्मान करल बा ।

धनगढी उपमहानगरपालिकासे एक कार्यक्रमके बीच उ विद्यालयके प्रधानाध्यापकहुकनहे सम्मान करल हो ।
एसईईमे सामुदायिक विद्यालयओर सबसे ढेर प्रतिशत विद्यार्थी उत्तीर्ण हुइल कहटी सिद्धनाथ माध्यमिक विद्यालय, पञ्चोदय माध्यमिक विद्यालय, राष्ट्रिय तुलसीराम माध्यमिक विद्यालय ओ त्रिभुवन माध्यमिक विद्यालयलके प्रधानाध्यापकहुकनहे धनगढी नगर प्रमुख गोपाल हमाल सम्मान करल हुइट ।

एसईईमे सिद्धनाथसे ६१ प्रतिशत, पञ्चोदयसे ५९ प्रतिशत, धनगढी उपमहानगरपालिका वडा नम्बर १४ सि गाउँमे रहल सर्वोदय मावि ५५ प्रतिशत , बेहडाबाबासे ५३ प्रतिशत, राष्ट्रिय तुलसीराम माध्यमिक विद्यालयसे ४० प्रतिशत ओ त्रिभुवन माध्यमिक विद्यालयसे ३६ प्रतिशत विद्यार्थी उत्तीर्ण हुइल बटै ।

ओस्टेक करके, संस्थागत विद्यालयओर गुरूकुल एकेडेमी, मयुर बोर्डिङ स्कुल, कैलाली विद्या निकेतन, वाल्मीकि स्कुल, फूलबारी एकेडेमी ओ मिलन बोर्डिङ स्कुलहेफे सम्मान करल बा ।

शतप्रतिशत विद्यार्थी उत्तीर्ण करैना सफल गुरूकुल ओ मयुर बोर्डिङ स्कुल सहित ९७ प्रतिशत विद्यार्थी उत्तीर्ण करैना सफल कैलाली विद्या निकेतन, ९५ प्रतिशत विद्यार्थी उत्तीर्ण करैना सफल वाल्मीकि ओ फूलबारी एकेडेमी तथा ९४ प्रतिशत उत्तीर्ण कराके उत्कृष्ट नतिजा ल्यान सफल मिलन बोर्डिङ स्कुलके संस्थापक÷प्रिन्सिपलहुकनहेफे सम्मान करल धनगढी उपमहानगरपालिका जनैेले बा ।

ग्रेड वृद्धि परीक्षाके तयारी कक्षा चलैना उपमहानगरसे अनुदान डेना

धनगढी उपमहानगरपालिकासे एसइईके ग्रेड वृद्धि परीक्षाके तयारी कैना अनुदान डेना हुइल बा ।
उपमहानगरपालिकासे मंगर गणित ओ विज्ञान विषयके कक्षा चलैना विद्यालयहुकनहे अनुदान डेना निर्णय करल हो । सावन २३ गतेसे ग्रेड वृद्धि परीक्षा हुइना ओरसे सावन २२ गतेसम कक्षा चलैना धनगढीके २६ सामुदायिक विद्यालयहे अनुदान डेना निर्णय हुइल प्रमुख प्रशासकीय प्रमुख नरेन्द्रबहादुर खाती बटैलै । उहाँ गणित ओ विज्ञान विषयमे एनजी ग्रेड आइल विद्यार्थीहुकनके लाग कक्षा चलैना विद्यालयहुकनहे विद्यार्थी संख्या ओ पिरियडके आधारमे अनुदान उपलब्ध करैना बटैले बटै ।

ग्रेड वृद्धि डेना विद्यार्थीहे परीक्षामे ग्रेड बढैना सहज होइ कहिके हरेक विद्यालयसे शिक्षकहे प्रोत्साहन स्वरुप भत्ता डेहे मिल्न हिसाबसे अनुदान निकासा कैना खाती बटैले बटै ।

गणित ओ विज्ञान विषय पह्रे चाहल विद्यार्थीक संख्या शिक्षा महाशाखामे पठैना विद्यालयहे सहजुल होए कहिके उपमहानगरपालिकासे क्युआर कोड समेत सार्वजनिक करले बा ।

जनाअवजको टिप्पणीहरू