थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०२ सावन २६४८, बुध ]
[ वि.सं २ श्रावण २०८१, बुधबार ]
[ 17 Jul 2024, Wednesday ]

धनगढीमे एक्के फेरामे लगागिल १८ सय टेलुवा

पहुरा | २२ असार २०८१, शनिबार
धनगढीमे एक्के फेरामे लगागिल १८ सय टेलुवा

पहुरा समाचारदाता
धनगढी, २२ असार ।
हरियाली धनगढी अन्तर्गत एक्के फेरामे करिब १८ सय टमान जातके टेलुवा लगागिल बा । धनगढी उपमहानगरपालिकासे शनिच्चर एक्के फेरामे क्याम्पस रोड हुलाकी सडकके शुन्य बिन्दुसे कालिका मन्दिरसम रहल मिडियममे १ हजार ७९५ बोट टेलुवा लगाइल उपमहानगरपालिका जनैले बा ।

धनगढीहे हरियाली धनगढी बनैना अभियानअन्तर्गत शनिच्चर सकारे उपमहानगरपालिकाके उपमेयर कन्दकलाकुमारी राना, वडा अध्यक्षहुक्रे टमान स्कुलके विद्यार्थी लगायत सर्वसाधारणसे टेलुवा लगाइल हुइट ।

धनगढीमे निर्माण सम्पन्न हुइल सडक ओ निर्माणाधीन सडकहे हरियाली बनैना अभियान धनगढी उपमहानगरपालिका लेहल जनैटी बृक्षारोपणके कामहे उपमहानगरपालिकासे निरन्तरता डेना उपमेयर राना बटैली ।

वातावरण प्रदुषण, स्वच्छ हावाके कमीके कारण गर्मी बह्रटी गैल ओ रोगसमेत निम्त्यई सेक्ना हुइल ओरसे उपमहानगरपालिकाके जनताहे यिहीसे कम हुइलेसफे राहत डेना उपमेयर राना बटैली ।

जनाअवजको टिप्पणीहरू