नाउपासे सरकारहे डेहल समर्थन फिर्ता

पहुरा समाचारदाता
काठमाण्डौ, २६ असार । नागरिक उन्मुक्ति पार्टी (नाउपा)से सरकारहे डेहल समर्थन फिर्ता लेले बा । साथे २८ गते प्रधानमन्त्री पुष्पकमल दाहाल प्रचण्डहे विश्वासके मत नइडेना निर्णयसमेत करले बा ।

प्रतिनिधि सभामे नाउपाके चार सांसद बटै । नाउपासे सुरुसे प्रधानमन्त्री प्रचण्डहे समर्थन करटी आइल रहे । आब कांग्रेस ओ एमालेके नयाँ गठबन्धनहे समर्थन कैना निर्णय हुइल ओरसे प्रचण्ड सरकारहे डेहल समर्थन फिर्ता लेहल एक नेता बटैलै । उहाँ कहलै, ‘प्रधानमन्त्रीके समय मागल बटी, समय मिल्टीकी औपचारिक रूपमे जानकारी करैबी ।’